सागमा आएका १३ श्रीलंकाली खेलाडीलाई डेंगु
<p>काठमाडौं। १३ औं दक्षिण एशियाली खेलकुद (साग) खेल्न आएका १३ श्रीलंकन खेलाडीलाई डेंगु संक्रमण भएको छ। सात खेलाडीको त्रिपुरेश्वरस्थित ब्लुक्रस अस्पतालमा उपचार भइरहेको छ। </p>
<p>महिला फुटबलर गायथ्री नानायक्कराको अवस्था गम्भरि भएकाले आइसीयूमा उपचार भइरहेको छ। महिला फुटबलको प्रतिस्पर्धाका लागि गायथ्री पोखरामा थिइन्।</p>
<p>स्वास्थ्यमा समस्या देखिएपछि १९ मंसीर बेलुका उनलाई काठमाडौं ल्याइएको थियो। </p>
<p>डेंगु संक्रमण भएर अस्पताल भर्ना हुनेमा एथलेटिक्सबाट स्वर्ण विजेता अमासा डी सिल्भा पनि छिन्। </p>
<p>अन्य छ जना खेलाडी भने ब्लुक्रसमै उपचारपछि डिस्चार्ज भएर होटेल फर्किएको आजको नयाँ पत्रिकामा समाचार छ। </p>
<p>बिरामी हुनेमा धेरैजसो एथलेटिक्सका खेलाडी रहेको श्रीलंकाली टोलीका मेडिकल प्रमुख डा. लाल इकनायकेले बताए। </p>
प्रतिक्रिया दिनुहोस्
.jpg)
