कर्णालीकी छोरीलाई बैंक खाता, प्रदेश सरकारबाट मासिक पाँच सय
<p>सुर्खेत। कर्णाली प्रदेश सरकारले छोरीको बैंक खाता खोल्ने प्रक्रिया शुरू गरेको छ। </p>
<p>छोरीलाई कम्तीमा माध्यमिक तहसम्मको अध्ययन ग्यारेन्टीका लागि मुख्यमन्त्री तथा मन्त्रिपरिषद् कार्यालयले छोरीलाई बैंक खाता कार्यक्रम ल्याएको हो। </p>
<p>चालु आर्थिक वर्षको साउनदेखि कर्णालीमा जन्मेका छोरीहरूका लागि ‘बैंक खाता छोरीको, सुरक्षा जीवनभरिको’ नाम दिइएको यो कार्यक्रम लागु भएको आजको नागरिक दैनिकमा समाचार छ। </p>
<p>कार्यक्रमअन्तर्गत पहिलो महीना एक हजार र दोस्रो महीनादेखि २० वर्षसम्म मासिक पाँच सय रूपैयाँका दरले प्रदेश सरकारले छोरीको बैंक खातामा रकम जम्मा गरिदिनेछ।</p>
<p>यस हिसाबले छोरी २० वर्ष पुग्दा एक लाख २० हजार ५०० रूपैयाँ रकम जम्मा हुनेछ। </p>
<p>छोरीलाई बैंक खाता कार्यक्रममा सहभागी गराउन अभिभावकले तीनवटा मुख्य सर्त पालना गर्नुपर्ने हुन्छ।</p>
<p>छोरीलाई कम्तीमा माध्यमिक तह उत्तीर्ण गराउने, प्रचलित कानूनको अधिनमा रहेर छोरीको उमेर २० वर्ष नभएसम्म विवाह नगराउने र छोराछोरीबीच लालपालन, हेरचाह र संरक्षणमा असमान व्यवहान गर्ने प्रतिबद्धता अभिभावकले जनाएपछि मात्रै यो कार्यक्रममा सहभागी हुन पाइन्छ। </p>
प्रतिक्रिया दिनुहोस्
.jpg)
