सुन र चाँदीसहित एकजना पक्राउ
<p>काठमाडौं। सशस्त्र प्रहरीको एक टोलीले १२६ ग्राम १०० मिलिग्राम सुन र छ किलो ८५० ग्राम चाँदीसहित धनुषाबाट एकजना पक्राउ गरेको छ।</p>
<p>धनुषा धनौजी गाउँपालिका ४ भडरीबाट पक्राउ पर्नेमा भारतको मधुवनी गोब्राही घर बताउने ४० वर्षीय जयप्रकाश यादव छन्।</p>
<p>बरामद गरिएको सूनको मुल्य सात लाख ८२ हजार ७२८ रुपैयाँ बराबरको छ।</p>
<p>चाँदीको बजार मुल्य पाँचलाख पाँच हजार ६४ रुपैयाँ रहेको छ।</p>
<p><strong>भन्सार छलीको कपडा बरामद</strong></p>
<p>सशस्त्रको टोलीले रौतहटको राजदेवी नगरपालिका ६ सेडवास्थित सीमा ईलाकाबाट तीन लाख ३० हजार रुपैयाँ बराबरको चोरीपैठारीको लत्ताकपडा बरामद गरेको छ।</p>
<p>सशस्त्र प्रहरी बल, नेपाल बोर्डर आउट पोष्ट बेलबिछुवाबाट खटिएको टोलीले उक्त लत्ताकपडा बरामद गरेको हो।</p>
<p>बरामद गरिएको लत्ताकपडा भारतबाट अवैध रुपले भन्सार छली अटोमा राखेर नेपालतर्फ ल्याउँदै गरिएको थियो।</p>
प्रतिक्रिया दिनुहोस्
.jpg)
