कोहलपुरका विद्यालय एक दिन बन्द गरिने
<p>काठमाडौं। बाँकेको कोहलपुर क्षेत्रका विद्यालय भोलि, २३ मंसीरमा एक दिनका लागि बन्द गरिने भएको छ।</p>
<p>ट्रकले स्कुले बालिकालाई ठक्कर दिई गम्भीर घाइते बनाएपछि उत्पन्न परिस्थितिलाई शान्त बनाउन सहयोग गर्ने उद्देश्यले विद्यालय बन्द गर्न लागिएको विभिन्न शैक्षिक संघ, संगठनले जनाएका छन्।</p>
<p>प्याब्सन, एनप्याब्सन र क्रिसा बाँकेले आज संयुक्त विज्ञप्ति जारी गर्दै विद्यालय बन्द गर्ने जनाएका हुन्। </p>
<p>आज बिहान ना २ ख ९४५९ नम्बरको ट्रकले त्रिभुवन माध्यामिक विद्यालय कोहलपुरको कक्षा सातमा अध्ययनरत बालिका प्रकृति चन्दलाई ठक्कर दिएर घाइते बनाएको थियो।</p>
<p>त्यसपछि प्रदर्शन चर्किएपछि कोहलपुर क्षेत्रमा स्थानीय प्रशासनले कर्फ्यु समेत लगाएको थियो। झडपमा १० विद्यार्थी र इलाका प्रहरी कार्यालयका डीएसपी हेमबहादुर शाहीसहित नौ जना प्रहरी घाइते भएका थिए।</p>
<p>यसैगरी, विद्यार्थी आन्दोलनमा घुसेका केही गैरविद्यार्थी पनि घाइते भएका थिए। </p>
<p>दुर्घटनामा घाइते चन्दसहित तीन जनालाई थप उपचारका लागि काठमाडौं पुर्‍याइएको छ।</p>
<p><strong>पढ्नुहोस्</strong></p>
<p><a href="https://www.dekhapadhi.com/news/3466" target="_blank"><strong>कोहलपुरमा कर्फ्यु आदेश जारी, घाइते बालिकालाई हेलिकप्टरबाट काठमाडौं पुर्‍याइंदै</strong></a></p>
<p><a href="https://www.dekhapadhi.com/news/3464" target="_blank"><strong>गोली चलाउँदा पनि स्थिति नियन्त्रणमा नआएपछि कोहलपुरमा कर्फ्युको तयारी</strong></a></p>
<p><a href="https://www.dekhapadhi.com/news/3459" target="_blank"><strong>कोहलपुर तनावग्रस्त, प्रहरी र प्रदर्शनकारीबीचकाे झडपमा डीएसपी घाइते</strong></a></p>
<p><br />
</p>
प्रतिक्रिया दिनुहोस्
.jpg)
