सबै तहका सरकारबीच समन्वय नहुँदा योजना प्रभावित- कृषिमन्त्री भुसाल
<p>काठमाडौं। कृषि तथा पशुपंक्षी विकासमन्त्री घनश्याम भुसालले तीन वटै तहका सरकारबीच समन्वय हुन नसक्दा कृषिका योजनाहरू प्रभावित भएको बताएका छन्। </p>
<p>सिंहदरबारस्थित् मन्त्रालयमा आज पत्रकारहरूसँग कुरा गर्दै स्थानीय सरकार, प्रदेश सरकार र संघीय सरकारबीच समन्वय नहुँदा कृषिका योजनाहरू कार्यान्वयन गर्न नसकिएको बताए। </p>
<p>त्यसैका लागि प्रदेश सरकारका कृषि मन्त्रीहरूसँग आज छलफल गरिएको उनले बताए। मन्त्री भुसालले तीन वटै तहका सरकारबीच समन्वय स्थापित गर्न संयन्त्र बनाई काम गर्ने सम्भावना रहेको समेत बताए। </p>
<p>कृषिको व्यवसायिक विकास बिना मुलुकको समृद्धि र विकास हुन नसक्ने बताउँदै त्यसका लागि पनि सबै तहका सरकारबीच समन्वय आवश्यक रहेको मन्त्री भुसालको भनाइ छ।</p>
<p>मन्त्री भुसालले आफू मन्त्रालयमा आएदेखि प्रशासनको कामलाई व्यवस्थित बनाउने, सेवालाई प्रभावकारी बनाउने तथा सुशासन स्थापित गरी कृषिका नयाँ नीतिहरूलाई अगाडि सार्ने विषयमा ध्यान दिएको बताए। </p>
प्रतिक्रिया दिनुहोस्
.jpg)
