कपिलवस्तुमा कार दुर्घटना हुँदा ग्लोबल आईएमई बैंकका शाखा प्रबन्धककाे मृत्यु
<p>कपिलवस्तु। बाणगङ्गा-८ मा आज बिहान कार दुर्घटना हुँदा एकजनाकाे मृत्यु भएकाे छ।</p>
<p>बा८च ६३९० नम्बरको कार दुर्घटना हुँदा कपिलवस्तु-९ का ३० वर्षीय सुरेश पाण्डेकाे मृत्यु भएकाे कपिलवस्तु प्रहरीले जनाएकाे छ।</p>
<p>मृतक पाण्डे ग्लोबल आईएमई बैंक बनगाई शाखाका म्यानेजर हुन्।</p>
<p>दुर्घटनामा अन्य तीनजना घाइते भएका छन्। उनीहरूकाे बुटवलमा उपचार भइरहेकाे छ।</p>
<p>घाइतेहरूकाे अवस्था खतरामुक्त रहेकाे प्रहरीले जनाएकाे छ। निजी कारमा उनीहरू बिहेमा सहभागी हुन जाँदै थिए।</p>
<p>तीव्र गतिका कारणा कार अनियन्त्रित भई विद्युतको पोलमा ठोक्किँदा दुर्घटना भएकाे प्रहरीकाे भनाइ छ।</p>
<p> </p>
प्रतिक्रिया दिनुहोस्
.jpg)
