झुपडीमा बस्दै आएका डोम परिवारलाई पक्की घर
<p>सिरहा। सिरहाको लहानमा बस्दै आएका विपन्न गरीब डोम समुदायलाई पक्की घर हस्तान्तरण गरिएको छ।</p>
<p>तराई/मधेश समृद्धि कार्यक्रम अन्तर्गत लहान नगरपालिका–५ खुट्टीखोलाको वलुवा टोलमा बस्दै आएका डोम परिवारलाई पक्की घर हस्तान्तरण गरिएको हो। </p>
<p>कार्यक्रम अन्तर्गत एकीकृत वस्ती निर्माण गर्दै हस्तान्तरण गरेको हो।</p>
<p>संघीय मामिला तथा सामान्य प्रशासन मन्त्रालयले तराई/मधेस समृद्धि कार्यक्रमको ९० लाख र नगरपालिका तथा उपभोक्ता समितिको ९ लाख २ हजार गरी ९९ लाख २ हजार रूपैयाँको लागतमा निर्माण गरेको १० मध्ये ५ वटा डोम परिवारलाई हस्तान्तरण गरेको छ।</p>
<p>प्रमाणपत्र र साँचोसहित नवनिर्मित एकीकृत वस्तीको ५ वटा घर लहान नगरपालिकाका मेयर मुन्नी साहले हस्तान्तरण गरे। एकीकृत पक्की भवनमा २ वटा सुत्ने कोठा, १ वटा भान्सा, शौचालय र बरण्डा रहेको छ।</p>
<p>घर हस्तान्तरण गर्दै मेयर साहले छोराछोरीको शिक्षा र सरसफाईमा पनि विशेष ध्यान दिन उनीहरूलाई आग्रह गरे। पक्की घर पाउनेमा लहान नगरपालिका–५ का दहनी मरिक, जोगेन्द्र मरिक, विनोद मरिक, प्रमोद कुमार मरिक र धनसीं मरिक रहेका छन्।</p>
प्रतिक्रिया दिनुहोस्
.jpg)
