बालिका बलात्कारको आरोपमा एक अमेरिकी पक्राउ
<p>काठमाडौं। प्रहरीको केन्द्रीय अनुसन्धान ब्यूरो (सीआईबी)ले नेपाली बालिकालाई बलात्कार गरेको आरोपमा एक अमेरिकी नागरिकलाई पक्राउ गरेको छ।</p>
<p>आर्थिक प्रलोभन देखाएर बलात्कार गरेको आरोपमा ४० वर्षीय जेसन लोयड मुडीलाई पक्राउ गरिएको सीआईबीका प्रवक्ता एसपी बेलबहादुर पाण्डेले जानकारी दिए।</p>
<p>उनलाई २३ मंसीरमा प्रहरीले त्रिभुवन अन्तर्राष्ट्रिय विमानस्थल नजिकै रहेको मेमोरियल गेस्ट हाउसबाट पक्राउ गरेको हो। </p>
<p>गेस्ट हाउसको कोठा नम्बर १०४ बाट तीन बालिकासहित अमेरिकी नागरिकलाई पक्राउ गरिएको एसपी पाण्डेले जानकारी दिए।</p>
<p>अमेरिकाको इलिनोइस राज्यका ती व्यक्तिको साथबाट प्रहरीले तीनथान राहदानी, ल्यापटप, चारथान मोबाइल, विभिन्न बैंकका एटीम कार्डहरू, विश्वभाषा क्याम्पसबाट जारी भएको परिचय पत्रलगायत पनि बरामद गरेको छ। </p>
<p>जबरजस्ती करणी तथा जबरजस्ती उद्योग गरेको कसुर अन्तर्गत अनुसन्धान अघि बढाइएको प्रवक्ता पाण्डेले बताए। </p>
<p>अनुसन्धानका लागि काठमाडौं जिल्ला अदालतबाट आज ५ दिन म्याद थप गरिसकेको छ।</p>
<p>सीआईबीले मुडी बाल यौन दुराचारमा संलग्न रहेको जनाएको छ। <br />
</p>
प्रतिक्रिया दिनुहोस्
.jpg)
