दक्षिण अफ्रिकाकी तुन्जी बनिन् मिस युनिभर्स
<p>काठमाडौं। मिस युनिभर्स २०१९ को ताज दक्षिण अफ्रिकाकी सुन्दरी २६ वर्षीया जोजिबीनी तुन्जीले जितेकी छन्।</p>
<p>जर्जियाको एटलान्टामा भएको प्रतियोगितामा मिस युनिभर्सको ताज जितेकी तुन्जीलाई महिला सशक्तीकरणका विषयमा आवाज उठाउने महिलाका रूपमा चित्रण गरिएको छ।</p>
<p>उनले आफ्नो भाषणमा युवापुस्तालाई आत्मविश्वास बनाउनुपर्ने धारणा राखेकी थिइन्।</p>
<p>उनले भनेकी छन्, “म यस्तो संसारमा हुर्के कि, जहाँ मेरो छाला र कपालको बनावट भएकी महिलालाई कहिल्यै सुन्दर मानिँदैन्, तर अब यस्तो समय नरहेको मलाई लाग्छ।”</p>
<p>उनले ९० प्रतिस्पर्धीलाई हराउँदै ६८औं मिस युनिभर्सको ताज पहिरिएकी हुन्। उनलाई फिलिपिन्सकी क्याट्रीओना ग्रेले ताज पहिराइदिइन्। ग्रे सन् २०१८ की मिस युनिभर्स विजेता हुन्।</p>
<p>नेपालबाट प्रदीप्ता अधिकारीले मिस युनिभर्स २०१९ मा सहभागिता जनाएकी थिइन्।</p>
प्रतिक्रिया दिनुहोस्
.jpg)
