जबर्जस्ती करणी मुद्दामा फरार एक जना पक्राउ
<p>सिरहा। सिरहा प्रहरीले जबर्जस्ती करणी मुद्दामा फरार रहेका एक जनालाई पक्राउ गरेको छ।</p>
<p>वडा प्रहरी कार्यालय सिरहा ‘ख’ले जबर्जस्ती करणी मुद्दामा फरार रहेका सिरहा नगरपालिका-६ बसपिट्टाका २८ वर्षीय दिपेन्द्र कुमार महरालाई पक्राउ गरेको छ। </p>
<p>उक्त घटना सप्तरीको राजविराजमा २६ कात्तिकमा भएको थियो। सप्तरी प्रहरीले पक्राउ पूर्जी पठाएपछि महरालाई आफ्नै घरमा लुकेर बस्दै गरेको अवस्थामा पक्राउ गरिएको जिल्ला प्रहरी कार्यालय सिरहाका प्रहरी निरीक्षक उमाशंकर यादवले जानकारी दिए। </p>
<p>पक्राउ परेका महरालाई थप अनुसन्धानको लागि सप्तरी पठाइएको छ।</p>
प्रतिक्रिया दिनुहोस्
.jpg)
