संघीयताको संक्रमण देखाएर भ्रष्टाचार गर्ने छुट छैनः अख्तियार प्रमुख घिमिरे
<p>काठमाडौं। अख्तियार दुरुपयोग अनुसन्धान आयोग प्रमुख आयुक्त नवीनकुमार घिमिरेले संघीयताको संक्रमण देखाएर कसैले पनि भ्रष्टाचारसम्बन्धी गतिविधि गर्न छुट नभएको बताएका छन्।</p>
<p>ट्रान्सपरेन्सी इन्टरनेशनल नेपालले भ्रष्टाचार विरूद्ध दिवसको अवसरमा आज काठमाडौंमा गरेको कार्यक्रममा घिमिरेले यस्ता विषयमा आयोग चुप लागेर नबस्ने बताएका हुन्।</p>
<p>“कानून निर्माताहरूले नै कानुनको दायराभित्र रहेर कार्यसम्पादन नगर्ने हो भने भ्रष्टाचार मौलाउँदै जान्छ,” उनले भने।</p>
<p>प्रमुख आयुक्त घिमिरेले गत वर्ष आयोगले अदालतमा दायर गरेको मुद्दाहरूमा ८८ प्रतिशत सफलता मिलेको जानकारी दिए।</p>
<p>कार्यक्रममा मन्त्रिपरिषद्का पूर्वअध्यक्ष खिलराज रेग्मीले अदालतमा मुद्दा बढ्दै जानुले भ्रष्टाचार बढ्दै गएको स्पष्ट हुने बताए।</p>
प्रतिक्रिया दिनुहोस्
.jpg)
