संस्थानमा डुब्यो साढे १८ अर्ब लगानी
<p>काठमाडौं। सरकारले वैदेशिक ऋण लिएर संस्थानमा गरेको १८ अर्ब ५० करोड रूपैयाँ लगानी डुबेको छ। </p>
<p>सार्वजनिक संस्थान, निकाय र विकास समितिमा गरी ३७ वटा संस्थामा एक खर्ब ४६ अर्ब रूपैयाँ वैदेशिक ऋण लगानी थियो।</p>
<p>त्यसमध्ये १५ संस्थानमा गरिएको १८ अर्ब ५० करोड रूपैयाँ लगानी डुबेको हो। </p>
<p>संस्थानलाई दक्षतापूर्वक सञ्चालन गर्न नसक्दा ऋण लगानीमा प्रतिफल प्राप्त हुन सकेको छैन।</p>
<p>सरकारले रघुपति जुट मिल्स, विराटनगर जुट मिल्स लिमिटेडलगायतका उद्योग सञ्चालनका लागि दाता मुलुकबाट ऋण लिएको थियो।</p>
<p>तर, यी संस्थानबाट ऋण उठेको छैन। दातृ निकायले भने सरकारलाई दिएको ऋण मिनाहा गरिसकेका छन्। </p>
<p>वैदेशिक ऋण लिएर सञ्चालन गरिएका १० औद्योगिक संस्थानमध्ये ६ वटा बन्द भइसकेका छन्।</p>
<p>विराटनगर जुट मिल्स लिमिटेड, वीरगञ्ज चिनी कारखाना, नेपाल कोल लिमिटेड, नेपाल रोजिन एन्ड टर्पेन्टाइन, भक्तपुर इँटा कारखाना र हिमाल सिमेन्ट कम्पनी बन्द भएको आजको अन्नपूर्ण पोष्टमा समाचार छ। <br />
उदयपुर सिमेन्ट नाफामा सञ्चालन भइरहे पनि उद्यागबाट सरकारले ऋण उठाउन सकेको छैन।</p>
<p>पूर्वअर्थसचिव रामेश्वर खनाल राजनीतिक परिवर्तनसँगै हुने नियुक्ति, मितव्ययिता अभाव र भ्रष्टाचारले संस्थान व्यवस्थापन गर्न नसकिएको बताउँछन्।</p>
प्रतिक्रिया दिनुहोस्
.jpg)
