रंगशालामा पत्रकारमाथि प्रहरीको लाठी चार्ज
<p>काठमाडाैं। १३ औं साग अन्तर्गत नेपाल र भुटानबीच आज दिउँसो हुने फुटबलको फाइनलको टिकट वितरण स्थलमा विवाद भएपछि प्रहरीले लाठी चार्ज गरेको छ।</p>
<p>प्रहरीको लाठी चार्जबाट नागरिक दैनिकमा कार्यरत पत्रकार सुमन चापागाईं घाइते भएका छन्।</p>
<p>प्रहरीले लाठी चार्जबाट खेलको टीकट लिन पुगेका दर्शकहरू पनि घाइते भएका छन्।</p>
<p>प्रहरीले टिकट लिन गएका दर्शकलाई लाठी चार्ज गरिरहेको फोटो खिच्ने क्रममा पत्रकारमाथि पनि प्रहरीले लाठीचार्ज गरेको प्रत्यदर्शीहरुले बताएका छन्।</p>
<p>प्रहरी सिनियर अधिकृतहरुकै कमान्डमा खटिएको टोलीले दर्शक र पत्रकारमाथी लाठी प्रहार भएको हो । आज दिउँसो नेपाल र भुटानको फुटबल फाइनल खेलपछि सागको समापन हुँदैछ। </p>
<p>प्रहरीको कुटपिट घाइते भएका उनको त्रिपुरेश्वरस्थित स्पाेर्टस् मेडिसिन एन्ड रिसर्च सेन्टरमा उपचार भइरहेको छ। उनलाई त्रिपुरेश्वरस्थित ब्लुक्रस अस्पतालमा सार्ने तयारी भइरहेकाे छ।</p>
<p>प्रहरीको कुटाइबाट उनको कानबाट रगत बगेको छ। रङ्‍गशाला प्रवेश गर्ने दर्शकलाई प्रहरीले कुटपिट गरिरहेको तस्बिर खिच्ने क्रममा पत्रकार चापाईंमाथि कुटपिट भएको हो।</p>
<p style="text-align:center"><img alt="" height="1403" src="https://www.dekhapadhi.com/storage/photos/shares/Sports/SAG/78904496_965407300512929_6739290217024323584_n.jpg" width="640" /></p>
<p> </p>
प्रतिक्रिया दिनुहोस्
.jpg)
