१३औं दक्षिण एशियाली खेलकुदमा नेपाललाई ५१ स्वर्ण (पदक तालिकासहित)
<p>काठमाडौं। नेपालमा १० दिनसम्म सञ्चालित १३औं दक्षिण एशियाली खेलकुदमा नेपालले ५१ स्वर्ण पदक जितेको छ। </p>
<p>नेपालले ५५ रजत र ८९ कांस्यसहित १९५ पदक जितेको छ। कूल ५० स्वर्ण जित्ने लक्ष्य लिएको नेपालले अन्तिम दिन दुई स्वर्ण जित्दै लक्ष्य पार गरेको हो। </p>
<p>२३ मंसीरसम्म ४९ स्वर्ण जितेको नेपालले आज बक्सिङ र पुरुष फुटबलमा स्वर्ण थपेको हो। नेपालले ६० रजत र ९५ कांस्यसहित कूल २०६ पदक जितेको छ।</p>
<p>सागको आजै समापन भएको छ। </p>
<p>समापन समारोअघि भुटानसँगको फाइनलमा <a href="https://www.dekhapadhi.com/news/3572" target="_blank"><span style="color:#c0392b">नेपालले २–१ गोलको जित</span></a> निकाल्यो। यो जितसँगै नेपाली फुटबल टोलीले सागमा चौथोपटक स्वर्ण जितेको छ। </p>
<p>सागको यो संस्करणमा भारत सर्वाधिक पदकसहित पहिलो हुँदा नेपाल दोस्रो भयो। भारतले १७४ स्वर्ण, ९३ रजत र ४५ कांस्यसहित ३१२ पदक जित्यो।</p>
<p>४० स्वर्ण, ८३ रजत र १२८ कांस्यसहित कूल २५१ पदक जितेको श्रीलंका तेस्रो भयो भने ३१ स्वर्ण, ४१ रजत र ५९ कांस्यसहित १३१ पदक जितेको पाकिस्तान चौथो भयो। </p>
<p>१९ स्वर्ण ल्याएको बंगलादेश पाँचौं र १ स्वर्ण ल्याएको माल्दिभ्स छैठौं भयो। भुटानले भने यो संस्करणमा एउटा पनि स्वर्ण जित्न सकेन। उसले ७ रजत र १३ कांस्य पदक मात्र जित्न सक्यो।</p>
<p style="text-align:center"><img alt="" height="653" src="https://www.dekhapadhi.com/storage/photos/shares/Sports/SAG/SAG-table-Final-1-final.jpg" width="960" /></p>
<p>सागको समापन समारोहमा प्रधानमन्त्री केपी शर्मा ओलीले <a href="https://www.dekhapadhi.com/news/3571" target="_blank"><span style="color:#c0392b">भिडियो कन्फेरेन्समार्फत् सम्बोधन</span></a> गरे। प्रधानमन्त्री ओलीले भोलि, २५ मंसीरमा सागमा पदक विजेता खेलाडी र खेलपदाधिकारीसँग भेट गर्ने र खेलाडीहरूका लागि अहिलेसम्मकै ठूलो पुरस्कार राशी घोषणा गर्ने राष्ट्रिय खेलकुद परिषद्का सदस्यसचिव रमेश सिलवालले बताए। </p>
<p>दशरथ रंगशालामा जारी समापन समारोहमा आयोजक राष्ट्र नेपालले पाकिस्तानलाई झण्डा हस्तान्तरण गर्नेछ। प्रत्येक दुई वर्षको अन्तरालमा हुने प्रतियोगिताको आयोजना अब पाकिस्तानले गर्नेछ। <br />
</p>
प्रतिक्रिया दिनुहोस्
.jpg)
