मानव विकास सूचकांकमा नेपालको झिनो सुधार
<p>काठमाडौं। मानव विकास सूचकांकमा नेपालले सुधार गरेको छ। </p>
<p>गत वर्ष १४९ औं स्थापनमा रहेको नेपालले यस वर्ष भने दुई अंक सुधार गर्दै १४७ अंक हासिल गरेको छ। </p>
<p>संयुक्त राष्ट्रसंघीय विकास कार्यक्रम (यूएनडीपी) ले सार्वजनिक गरेको प्रतिवेदनमा यसपटक १८९ मुलुकलाई समावेश गरिएको छ।</p>
<p>जसमध्ये नेपालको स्थान १४७ औं रहेको प्रतिवेदनमा उल्लेख छ। </p>
<p>आजको कारोबार दैनिकमा छापिएको समाचारअनुसार सन् २०१८ का लागि नेपालले शून्य दशमलब ५७९ को रेटिङ पाएको छ।</p>
<p>यसलाई मध्यम मानव विकास सूचकांकका रूपमा लिने गरिन्छ।</p>
<p>न्यून रेटिङ भएका मुलुकहरूभन्दा नेपाल ६ स्थान अगाडि रहेको र नेपालकै स्थानमा केन्या पनि समान रहेको प्रतिवेदनमा उल्लेख छ। </p>
<p>दक्षिण एशियामा श्रीलंका, माल्दिभ्स, भारत, भुटान र बंगलादेशभन्दा पछि नेपाल रहेको छ भने पाकिस्तानभन्दा अघि छ। </p>
<p>प्रतिवेदन सार्वजनिक गर्दै अर्थमन्त्री युवराज खतिवडाले देशभित्रको असमानता कम गर्न सकिने भए पनि देश-देशबीचको असमानता कम गर्न अन्तर्राष्ट्रिय संस्था र ठूला देश लाग्नुपर्ने बताए। </p>
प्रतिक्रिया दिनुहोस्
.jpg)
