भोजपुरमा दुई वटा वडा कार्यालयमा आगजनी
<p>भोजपुर। गएराति जिल्लाको दुई वटा वडा कार्यालयमा आगजनी गरिएको छ।</p>
<p>भोजपुरको दक्षिण रामप्रसादराई गाउँपालिका–२ धोद्लेखानी वडा कार्यालय र पूर्वी पौवादुङ्मा गाउँपालिका–३, च्याङ्ग्रेमा आगजनी गरिएको भोजपुरका प्रहरी प्रमुख डीएसपी नरबहादुर सलामी मगरले <em>देखापढी</em>लाई बताए। </p>
<p>आगजनीबाट धोद्लेखानीको वडा कार्यालयको भवन पूर्ण रूपमा जलेको छ। रामप्रसादराई गाउँपालिकाकी उपप्रमुख सम्झना राईले कार्यालयमा रहेको फर्निचन, कागजात, कम्प्युटरसहित ८४ लाख बराबरको क्षति भएको जानकारी दिइन्। </p>
<p>वडा कार्यालयभित्र सञ्चालन गरिएको अतिरिक्त हुलाक कार्यालयको कागजात पनि जलेर नष्ट भएको छ।</p>
<p>च्याङ्ग्रेको वडा कार्यालयमा पनि कागजात, फर्निचर र कप्युटरलगायतका सामग्रीमा क्षति पुगेको पौवादुङ्मा गाउँपालिकाकी उपप्रमुख सम्झना राईले बताइन्।</p>
<p><img alt="" height="648" src="https://www.dekhapadhi.com/storage/photos/shares/Crime/aagajani.jpg" width="864" /></p>
<p>दुवैतर्फ आगजनी गर्ने समूहको खोजी र घटनाबारे थप अनुसन्धान गर्न प्रहरी परिचालन गरिएको डीएसपी मगरले बताएका छन्।</p>
<p>नेत्रविक्रम चन्द नेतृत्वको नेकपाले आगजनी गरेको हुनसक्ने सुरक्षा निकायको आशंका छ।</p>
प्रतिक्रिया दिनुहोस्
.jpg)
