टिपर र मोटरसाइकलले ठक्कर दिँदा मकवानपुरमा दुई जनाको मृत्यु
<p>हेटौंडा। मकवानपुरको हेटौँडा र मकवानपुरगढीमा गएराति टिपर र मोटरसाइकलको ठक्करबाट दुई जनाको मृत्यु भएको छ।</p>
<p>दुर्घटनामा दुई जना घाइते भएका छन् । </p>
<p>गएराति हेटौँडा बजारबाट मकवानपुरगढीतर्फ जाँदै गरेको बा ४ ख ६३५५ नम्बरको टिपरले ठक्कर मकवानपुरगढी गाउँपालिका–४, का ३४ वर्षीय दीपक पाख्रिनको घटनास्थलमै मुत्यु भएको प्रहरीले जनाएको छ। </p>
<p>टिपर चालक फरार छन् भने टिपर प्रहरी नियन्त्रणमा छ ।</p>
<p>गएराति नै हेटौँडा उपमहानगरपालिका–९ पशुपतिनगरमा ना ४२ प ७५०६ नम्बरको मोटरसाइकलको ठक्करबाट एक महिलाको मृत्यु भएको छ। </p>
<p>बाराबाट हेटौँडातर्फ आउँदै गरेको मोटरसाइकलको ठक्करबाट मृत्यु भएकी महिलाको पहिचान भएको छैन। </p>
<p>दुर्घटनाबाट मोटरसाइकल चालक पर्सागढी बस्ने ३० वर्षीय कञ्चन ठाकुर र पछाडि सवार चितवनको भरतपुर महानगरपालिका–१० बस्ने ३५ वर्षीया शर्मिला थापा मगर घाइते भएका छन्। </p>
<p>घाइते दुवैजना उपचाररत् छन्। <em>रासस</em></p>
प्रतिक्रिया दिनुहोस्
.jpg)
