बैंकिङ प्रणाली ह्याकिङ र ठगी गिरोहका ३ जना पक्राउ
<p>काठमाडौं। बैंकिङ प्रणाली नै ह्याक गरेर ठूलो रकम चोरी गर्ने गिरोहका तीनजना पक्राउ परेका छन्। </p>
<p>महानगरी अपराध महाशाखाले पक्राउ परेका दोलखा फुलपाका ५२ वर्षीय रमेश खड्का, नवलपरासी रामग्राम नगरपालिका-१७ का विशेश्वरप्रसाद तिवारी र सोही ठाउँका १९ वर्षीय संदीप कलवारलाई पत्रकार सम्मेलन गरेर सार्वजनिक गरेको छ। </p>
<p>पक्राउ परेकाहरुले हालसम्म १४ करोड ६७ लाख ९१ हजार रुपैयाँ शंकास्पद कारोबार गरेको प्रहरीले जनाएको छ। </p>
<p>उनीहरुले कृषि विकास बैंक र पानस रेमिट ह्याक गरेको प्रहरीको भनाइ छ।</p>
<p>उनीहरुलाई बैंक तथा वित्तीय संस्था ह्याक गर्ने तथा सामाजिक सञ्जालको माध्यमबाट चिठ्ठा परेको र पार्सल आएको भनि नाईजेरियन तथा भारतीय नागरीकहरुले ठगी गर्ने काममा एजेण्टको रुपमा प्रयोग गरिएको महाशाखाका एसपी सुशीलसिंह राठौरले बताए। </p>
<p>प्रहरीका अनुसार अहिलेसम्म ३४ जना नेपालीहरु अनलाइन ठगीमा संलग्न भेटिएका छन्।</p>
<p>बैंक ह्याक र ठगी गरेको रकमबाट १५ देखि २० प्रतिशत कमिशन दिएर काम लगाउने गरिएको र बाँकी रकम विभिन्न माध्यमबाट भारत पठाउने गरेको खुलेको राठौरले बताए। </p>
<p><br />
</p>
प्रतिक्रिया दिनुहोस्
.jpg)
