चितवन विमानस्थल १० दिनपछि सञ्चालनमा आयो
<p>चितवन। भरतपुर विमानस्थल आजदेखि सञ्चालनमा आएको छ। </p>
<p>नागरिक उड्डयन प्राधिकरण भरतपुरले धावनमार्ग मर्मतसम्भार गर्नका लागि १५ मंसीरदेखि विमानस्थल बन्द गरेको थियो। </p>
<p>धावनमार्ग मर्मत र रङरोगनका काम सम्पन्न भएसँगै विमानस्थल आजदेखि सञ्चालनमा ल्याइएको कार्यालयका प्रमुख पवनकुमार गौतमले जानकारी दिए। विमानस्थलको धावनमार्गमा मर्मतसम्भार र माथि कालोपत्रे थप गरिएको छ। </p>
<p>गौतमका अनुसार धावनमार्ग मर्मतसँगै भ्रमण वर्षलाई लक्षित गर्दै विमानस्थललाई आकर्षक बनाइएको छ। भरतपुर विमानस्थलबाट दैनिक बुद्ध र यतिका पाँच÷पाँच वटा जहाजले काठमाडौं र एक÷एक वटा जहाजले पोखरा उडान भर्दै आएका छन्। <em>रासस</em></p>
प्रतिक्रिया दिनुहोस्
.jpg)
