सिरहामा दुई फरार अभियुक्त पक्राउ
<p>सिरहा। विभिन्न मुद्दामा फरार रहेका दुईजनालाई सिरहा प्रहरीले पक्राउ गरेको छ।</p>
<p>बहुविवाह मुद्दामा फरार रहेका अर्नामा गाउँपालिका–४, लक्ष्मीपुरका ३७ वर्षीय गणेश मण्डल खत्वेलाई प्रहरीले पक्राउ गरेको छ। मण्डललाई उनकै घरबाट प्रहरीले पक्राउ गरेको हो।</p>
<p>यस्तै लेनदेन मुद्दामा फरार एकजनालाई प्रहरीले पक्राउ गरेको छ। सिरहा नगरपालिका–८ का ६० वर्षीय गंगाराम दासलाई पक्राउ गरिएको सिरहा प्रहरीले जनाएको छ।</p>
<p>यसैबीच प्रतिबन्धित लागुऔषधसहित एकजना पक्राउ परेका छन्। सिरहाको सीमावर्ती बरियारपट्टी गाउँपालिका–३, दुर्गा मन्दिर नजिकै बसमा जाँच गर्ने क्रममा लहान–५, बलुवाका २२ वर्षीय उपेन्द्र सदालाई प्रहरीले पक्राउ गरेको हो।</p>
<p>उनको साथबाट डाईजेल्याप ३८ एम्पुल, नरफिन ३७ एम्पुल र नाईट्रोजन ६ ट्याब्लेट बरामद भएको सिरहा प्रहरीको भनाइ छ।</p>
<p> </p>
प्रतिक्रिया दिनुहोस्
.jpg)
