नुवाकोटमा मोटरसाइकल दुर्घटना हुँदा एकजनाको मृत्यु
<p>नुवाकोट। नुवाकोटको विदूर नगरपालिका–७ मा मोटरसाइकल दुर्घटना हुँदा एकजनाको मृत्यु भएको छ। गयराति बा ८० प ६५७६ नम्बरको मोटरसाइकल अनियन्त्रित भएर सडकबाट १० मिटर तल खसेको थियो।</p>
<p>दुर्घटनामा परेर मोटरसाइकल चालक सुजन रिमाल र सवार रक्की नेपाल घाइते भएका थिए। उपचारका क्रममा चालक रिमालको मृत्यु भएको नुवाकोट प्रहरीले जनाएको छ। घाइते नेपालको भने अस्पतालमा उपचार भइरहेको छ।</p>
<p>यसैबीच विदूरमै घर सुतिरहेका बेला अचानक वान्ता गरेर ढलेका ५७ वर्षीय जयबहादुर अधिकारीको मृत्यु भएको छ। उपचारका क्रममा अधिकारीको मृत्यु भएको प्रहरीले जनाएको छ।</p>
<p>घटनाको अनुसन्धान भइरहेको प्रहरीको भनाइ छ।</p>
प्रतिक्रिया दिनुहोस्
.jpg)
