१६ दिने अभियानका बेला २७ जना बलात्कृत
<p>काठमाडौं। हरेक वर्ष २५ नोभेम्बरेखि १० डिसेम्बरसम्म विश्वभर महिला हिंसा विरुद्धको १६ दिने अभियान मनाउने गरिन्छ।</p>
<p>यस वर्ष नेपालमा ‘अन्तर पुुस्ता समानता, बलात्कार विरुद्ध ऐक्यबद्धता’ भन्ने नारा तय गरियो।</p>
<p>देशैभर बलात्कारविरुद्ध ऐक्यबद्धता कायम गर्दै सचेतनामूलक कार्यक्रम आयोजना गरिए।</p>
<p>तर, १६ दिने अभियान सञ्चालन भएकै बेला नेपालभर २७ जना बलात्कारको शिकार भएका छन्। ९ जना महिला र १८ बालिका बलात्कारको शिकार भएको इन्सेकले जनाएको छ।</p>
<p>अभियानको अवधिमा महिला तथा बालिकाविरुद्ध भएका हिंसासम्बन्धी घटनाको अध्ययन प्रतिवेदन सार्वजनिक गरेको छ।</p>
<p>यस्तै यो अवधिमा यौन दुव्र्यवहार १०, बलात्कार प्रयास ६, बेचबिखन प्रयास पाँच, हत्या चार, बेचबिखन तीन, बोक्सी आरोप दुई र छाउगोठमा मृत्यु एक गरेर ५८ जना पीडित भएका छन्।</p>
<p>यीमध्ये २५ महिला र ३३ जना बालबालिका छन्।</p>
प्रतिक्रिया दिनुहोस्
.jpg)
