सर्यो ‘लक्का जवान’को प्रदर्शन मिति
<p>काठमाडौं। चर्चित हास्यकलाकार शिवहरी पौडेलले निर्देशन गरेको कमेडी चलचित्र ‘लक्का जवान’को प्रदर्शन मिति सरेको छ।</p>
<p>७ चैतलाई प्रदर्शन मिति घोषणा गरिएको यो चलचित्र अब २१ चैतबाट देशभर एकसाथ प्रदर्शनमा आउने भएको छ। वितरकको सल्लाहअनुसार फिल्मको प्रदर्शन मिति हेरफेर गरिएको निर्देशक पौडेलले जानकारी दिए।</p>
<p>आमा बंगलामुखी फिल्म प्रोडक्सनको ब्यानरमा बनेको यो फिल्मको छायाङ्कन केही समय अगाडि सकिएको थियो। ध्रुवदत्त र अनुसुयषा श्रेष्ठको प्रस्तुतिमा किरण केसी, दीलिप रायमाझी र शिवहरि पौडेल कार्यकारी निर्माता रहेको चलचित्रको सह–निर्मातामा सुरेन्द्र केसी र दीपेन्द्र खनिया छन्।</p>
<p>‘लक्का जवान’ले पाका उमेरका मानिसहरूको कथा समेटेको छ। चलचित्रमा किरण केसी, दीलिप रायमाझी, शिवहरि पौडेल, सुरेन्द्र केसी, वर्षा सिवाकोटी, प्रियंका कार्की, राजाराम पौडेल, सलोन बस्नेतलगायतको अभिनय छ। चलचित्रमा वर्षाले प्रहरी अधिकृतको भूमिका निभाएकी छन्। </p>
<p>‘लक्का जवान’ मा सामाजिक कथावस्तुलाई हास्य शैलीमा प्रस्तुत गरिएको निर्देशक शिवहरि पौडेल बताउँछन्। लामो समय ‘जिरे खुर्सानी’मा अभिनय गरेका शिवहरि पहिलो पटक निर्देशन गर्न लागेका हुन्।</p>
प्रतिक्रिया दिनुहोस्
.jpg)
