राष्ट्रियसभाको निर्वाचन ९ माघमा गर्ने सरकारको निर्णय
<p>काठमाडौं। राष्ट्रिसभा सदस्यको रिक्त पदपुर्तिका लागि आउँदो ९ माघमा निर्वाचन हुने भएको छ। हालै बसेको मन्त्रिपरिषद् बैठकले राष्ट्रियसभा निर्वाचनको मिति तय गरेको हो। </p>
<p>आज सञ्चार तथा सूचना प्रविधि मन्त्रालयमा आयोजित नियमित पत्रकार सम्मेलनमा सरकार प्रवक्ता एवं सञ्चार तथा सूचना प्रविधिमन्त्री गोकुल बाँस्कोटाले राष्ट्रियसभाको निर्वाचन ९ माघमा हुने जानकारी दिए। </p>
<p>“राष्ट्रियसभा सदस्यको रिक्त पदपुर्तिका लागि राष्ट्रियसभा सदस्यको निर्वाचन २०७६ माघ ९ गते बिहीबारका दिन गर्ने र त्यसको सूचना नेपाल राजपत्रमा प्रकाशित गर्ने निर्णय गरिएको छ”, मन्त्री बाँस्कोटाले भने। </p>
<p>राष्ट्रियसभाका नेकपाका ८, कांग्रेसका ७ र राजपाका २, समाजवादीका एकजना र मनोनित एकजना गरी १९ सांसदको दुईवर्षे कार्यकाल २१ फागुनमा सकिदैछ। </p>
<p>राष्ट्रियसभा सदस्यको पद रिक्त हुनुभन्दा ३५ दिनअघि निर्वाचन गरिसक्नुपर्ने संविधानमा व्यवस्था गरिएकोछ। </p>
<p><strong>पढ्नुहाेस्</strong></p>
<p><a href="https://www.dekhapadhi.com/news/3538" target="_blank"><strong>राष्ट्रियसभाको निर्वाचन माघ दोस्रो हप्ताभित्र गर्न आयोगको सुझाव</strong></a></p>
<p><a href="https://www.dekhapadhi.com/news/2669" target="_blank"><strong>फागुनमा सकिँदैछ राष्ट्रिय सभाका यी १९ सदस्यको पदावधि</strong></a></p>
प्रतिक्रिया दिनुहोस्
.jpg)
