सागमा पदक जित्ने सुदूरपश्चिम क्षेत्रका खेलाडीलाई नगदसहित सम्मान गर्ने प्रदेश सरकारको घोषणा
<p>काठमाडौं। सुदूरपश्चिम प्रदेश सरकारले १३औं दक्षिण एशियाली खेलकुद प्रतियोगिता(साग) मा पदक जित्ने सुदूरपश्चिम प्रदेशका खेलाडीहरूलाई नगदसहित सम्मान गर्ने भएको छ।</p>
<p>मुख्यमन्त्री त्रिलोचन भट्टले नगदसहित सम्मान गर्ने घोषणा गरेको उनका स्वकीय सचिव शिवसिंह ओलीले जानकारी दिएका छन्।</p>
<p>उनका अनुसार स्वर्ण पदक विजेता खेलाडीलाई जनही एकलाख, रजत पदक विजेतालाई ५० हजार र कास्य पदक विजेतालाई ३० हजार रूपैयाँ दिने घोषणा गरिएको छ।</p>
<p>“खेलाडीहरूको हौसला बढाउनका लागि नगदसहित सम्मान गर्ने घोषणा गरिएको हो,” उनले भने, “आवश्यक प्रक्रिया सकेर सामाजिक विकास मन्त्रालयबाट रकम हस्तान्तरण गरिन्छ।”<br />
</p>
प्रतिक्रिया दिनुहोस्
.jpg)
