नेपाली जहाज अझै ६ महीना युरोप उड्न नपाउने
<p>काठमाडौं। सरकारले हवाई क्षेत्रमा व्यापक सुधार गरिरहेको दाबी गरिरहेकै बेला नेपाली जहाज भने अझै छ महीना युरोपको आकासमा उड्न नपाउने भएका छन्। </p>
<p>युरोपियन युनियन (इयू) को कालोसूचीबाट हट्न नसकेका कारण नेपालमा दर्ता भएका जहाज युरोप उड्न नपाउने भएका हुन्। </p>
<p>इयूले यसैसाता गरेको सुरक्षा अपडेटको क्रममा नेपाललाई सुरक्षाको सूचीबाट नहटाएपछि कालोसूची कायमै रहेको हो। </p>
<p>जुन कालोसूची कम्तीमा आउँदो छ महीनासम्म कायम रहनेछ। इयूले प्रत्येक छ महीनामा सुरक्षा अपडेट गर्ने गर्छ। </p>
<p>सन २०१३ देखि सुरक्षाको कारण देखाउँदै नेपाली हवाई कम्पनीले युरोपको आकास प्रयोग गर्न नपाएकाे अाजकाे नागिरक दैनिकमा समाचार छ।</p>
<p>चार महीनाअघि काठमाडौंमा सम्पन्न नागरिक उड्डयन संगठन (आइकाओ) को एशिया तथा प्रशान्त क्षेत्रका हवाई महानिर्देशकको सम्मेलनमा उक्त प्रतिबन्ध फुकुवाबारे नेपालले पहल गरेको थियो। </p>
<p>सोही पहलकदमीले इयूको कालोसूचीबाट हट्ने नेपाली अधिकारीहरूले अपेक्षा गरेका थिए। <br />
</p>
प्रतिक्रिया दिनुहोस्
.jpg)
