सागका पदक विजेता खेलाडीहरूलाई नगर परिक्रमा गराइँदै
<p>काठमाडौं। १३ औं दक्षिण एसियाली खेलकुद (साग) का पदक विजेता खेलाडीहरूलाई आज नगर परिक्रमा गराइँदै छ । </p>
<p>आज बिहान ११ बजे त्रिपुरेश्‍वरस्थित दशरथ रंगशालाबाट पदक विजेता खेलाडीहरूलाई नगर परिक्रमा शुरू गराइने राष्ट्रिय खेलकुद परिषद् (राखेप) ले जनाएको छ।</p>
<p>१५-२४ मंसीरमा सम्पन्‍न सागको १३ औं संस्करणमा नेपालले ५१ स्वर्ण, ६० रजत र ९० कांस्य पदक जितेको थियो। </p>
<p>खेलाडीहरूको परिक्रमा न्युरोड, इन्द्रचोक, मखन, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली, पुल्चोक, जावलाखेल, लगनखेल, सातदोबाटो, कोटेश्वर, जडिबुटी, नयाँ थिमी, राधे राधे, सल्लाघारी, सूर्यविनायक चोक पुग्‍नेछ।</p>
<p>पुनः सल्लाघारीबाट, राधे राधे, नयाँथिमि, जडिबुटी, कोटेश्वर, तीनकुने, नयाँ बानेश्वर, थापाथली हुँदै राखेप प्रांगणमा आएर परिक्रमाको समापन हुने कार्यक्रम तय छ।</p>
प्रतिक्रिया दिनुहोस्
.jpg)
