पूर्वी पहाडमा सद्भावको सेतु बन्दै साकेला पर्व
<p>काठमाडौं। अन्नबाली सप्रियोस भनेर विशेषत: प्रकृतिको पुजा गरेर मनाइने किरात राईहरुको साकेला पर्व पछिल्लो समय अन्य जातजाती र समुदायकोसमेत जमघटको थलो बन्न थालेको छ । </p>
<p>वर्षको दुईपटक बैशाख र मंसीर पुर्णिमाको अवसर पारेर मनाईने ‘चण्डी’ भनेरसमेत चिनिने साकेला पर्वमा पूर्वी पहाडका गाउँ र बस्ती यतिखेर ढोल र झ्याम्टाले गुञ्जिएका छन्। </p>
<p>बाली लगाउने र भित्र्याउने समय पारेर बैशाख र मंसीरको पुर्णिमादेखि १५ दिनसम्म यो पर्व मनाउने गरिन्छ। </p>
<p>वर्षभरिका आफ्ना दु:ख र पीडालाई थाती राखेर साथीभाई, छरछिमेकी भेला भएर एकअर्कामा यो पर्वको शुभकामना बाँड्ने गरिन्छ। </p>
<p><img alt="" height="720" src="https://www.dekhapadhi.com/storage/photos/shares/Culture/Sakela 1.jpg" width="960" /></p>
<p>खेतबारीमा लगाएको अन्नबाली राम्रो होस्, आफू र परिवारजनमा रोगव्याधी नलागोस् भनेर प्रकृतिलाई नै सम्पूर्ण शक्ति मान्दै साकेला नाचिने चलन रहिआएको भोजपुर किरात राई यायोक्खाकी सृजना राई बताउँछिन्। </p>
<p>बाली लगाउने समय बैशाखमा उभौली र भित्र्याउने समय मंसीरमा उधौली पर्वको रुपमा चण्डीलाई मानिदै आएको छ। </p>
<p>किरात राईहरुको बाहुल्य रहेको भोजपुर, खोटाङ्ग, ओखलढुंगा, उदयपुर, धनकुटा लगायतका जिल्लामा यो पर्वको रौनकता छ। </p>
<p>राई मात्र नभई अन्य जातजातिका समुदाय पनि मन खोलेर यो पर्वमा सँगसँगै नाचेर शुभकामना आदानप्रदान गर्छन्। </p>
<p>नागरिक समाज भोजपुरका अगुवा परशुराम तिवारी मिश्रीत समुदाय बसोबास रहेको समाजमा एकअर्काको संस्कृती र रितिरिवाजमा हातेमालो गर्ने बानीले सामाजिक एकता मजबुत बनेको बताउँछन्। </p>
<p>साकेला नाच्न सदरमुकाम र ग्रामीण केन्द्रहरुमा सयौंको संख्यामा जमघट हुन्छ। </p>
<p>गाउँगाउँमा मोटरबाटो पुगेसँगै सवारीबाट ओहोरदोहोर गर्न सहज भएपछि त बाहिर गएकाहरु पनि पछिल्लो समय आफ्नो थातथलोमा फर्केर यो पर्व मनाउँछन्। </p>
<p><img alt="" height="689" src="https://www.dekhapadhi.com/storage/photos/shares/Culture/Sakela 3.jpg" width="960" /></p>
<p>नाक्छोङ्ग धामीको नेतृत्वमा किरात राईहरुले हातमा स्याउली बोकेर लोकभाकामा चण्डी नाच्छन्। </p>
<p>अन्न बाली लगाउन तयार गर्दादेखि भित्र्याउनेसम्मका विभिन्न चरणहरुलाई नृत्यको तालमा अभिनय गरिन्छ।</p>
<p><img alt="" height="710" src="https://www.dekhapadhi.com/storage/photos/shares/Culture/Sakela 2.jpg" width="960" /></p>
<p>त्यस्तै आफ्ना पुख्र्यौलीको सम्झनामा घरभित्र देउता मानिएको चुल्हो र अन्न राख्ने भकारीमा पुजाआजा र कुखुरा काटेर बलीसमेत दिने चलन रहेको रामप्रसादराई गाउँपालिका, ओख्रेका सामाजिक अभियान्ता बलराम राई बताउँछन्। </p>
<p>चण्डी पर्व राई, लिम्बु, याख्खा र सुनुवारले फरकफरक नाममा मनाउने गरेका छन्। </p>
<p>यो नाचमा साकेवा, साकेला, साकेन्वासहितका परम्परागत रुपमा चलिआएको छुट्टाछुट्टै सीलीको प्रयोग गरिन्छ।</p>
<p><img alt="" height="720" src="https://www.dekhapadhi.com/storage/photos/shares/Culture/IMG_0237.JPG" width="960" /></p>
प्रतिक्रिया दिनुहोस्
.jpg)
