चिसोले देशभरको जनजीवन प्रभावित, भोलिदेखि मौसममा सुधार हुने
<p>काठमाडौं। पश्चिमी वायुको प्रभावले देशभरको जनजीवन प्रभावित भएको छ। </p>
<p>देशभर पूर्ण बदली भई उच्च पहाडी र हिमाली भू-भागमा हिमपात भएको छ। </p>
<p>जल तथा मौसम विज्ञान विभागले मौसम पूर्वानुमान महाशाखाका अनुसार हुम्ला, डोल्पा, मुगुलगायतको उच्च पहाडी तथा हिमाली जिल्लामा हिमपातसँगै जनजीवन प्रभावित भएको छ। </p>
<p>२५ मंसीरमा नेपाल प्रवेश गरेको पश्चिमी वायुको प्रभावले देशभर चिसो बढेको छ। </p>
<p>आज काठमाडौं उपत्यकाको न्यूनतम तापक्रम ८ दशमलव शून्य डिग्री र अधिकतम तापक्रम १६ दशमलव २ डिग्री सेल्सियस रहेको छ।</p>
<p>पश्चिमी वायुको प्रभावले एक्कासी बिग्रिएको मौसम २८ मंसीरबाट क्रमश सुधार हुँदै जाने बताइएको छ। </p>
<p>आज राति देशभर सामान्य बदली रही पश्चिमी भेगका केही स्थानहरुमा मेघ गर्जनसहित हल्का वर्षा साथै पश्चिमी उच्च पहाडीसहित हिमाली भू-भागमा भारी हिमपातको सम्भावना छ। </p>
<p>जल तथा मौसम विज्ञान विभागले पश्चिमी उच्च पहाडी र हिमाली भू-भागमा भारी हिमपातको सम्भावना रहेकाले विशेष सतर्कता अपनाउन आग्रह गरेको छ। </p>
<p>यसका साथै आज काठमाडौं उपत्यकासहित देशको पश्चिमी पहाडी भू-भागका केही स्थानमा हल्का वर्षाको सम्भावना रहेको महाशाखाले जनाएको। <br />
</p>
प्रतिक्रिया दिनुहोस्
.jpg)
