देशैभर चिसो बढ्यो, हिमपातले उच्च पहाडी र हिमाली जिल्लाको जनजीवन प्रभावित
<p>काठमाडौं। नेपाल प्रवेश गरेको पश्चिमी वायुको प्रभावले देशैभर चिसो बढेको छ।</p>
<p>मौसममा पूर्ण बदली भई उच्च पहाडी र हिमाली भू-भागमा हिमपात भएको छ। </p>
<p>जल तथा मौसम विज्ञान विभाग, मौसम पूर्वानुमान महाशाखाका अनुसार हुम्ला, डोल्पा, मुगुलगायतको उच्च पहाडी तथा हिमाली जिल्लामा हिमपातसँगै जनजीवन प्रभावित भएको जनाएको छ। </p>
<p>त्यस्तै, विराटनगर तथा आसपासका तराई भू-भागमा हुस्सु लागेको छ। </p>
<p>कुहिरोका कारण कतिपय जिल्लाको हवाइ तथा सडकमार्ग प्रभावित भएको छ। </p>
<p>हिमपातका कारण मुगुमा हवाई तथा सडक मार्ग अवरुद्ध हुँदा सयौँ यात्रु बिचल्ली परेका छन्।</p>
<p>बैतडीको खोड्पेमा पनि सडकमा हिउँ जमेपछि यातायात अबरुद्ध भएको छ। </p>
<p>चिसो र हिमपातका कारण जिल्लाको जनजीवन प्रभावित भएको डोल्पाका प्रमुख जिल्ला अधिकारी मुकेशकुमार केशरीले <em>देखापढी</em>लाई बताए। </p>
<p>डोल्पामा सञ्चालन भइरहेको १ देखि ९ कक्षासम्मको वार्षिक परीक्षा भारी हिमपातका कारण स्थगित गरिएको प्रजिअ केशरीले बताए। </p>
<p style="text-align:center"><img alt="" height="349" src="https://www.dekhapadhi.com/storage/photos/shares/Social/79252607_2463905480594790_7770136381573038080_n.jpg" width="720" /></p>
<p>"माथिल्लो डोल्पामा बाक्लो हिउँ परेको छ। विद्यालयमै बाक्लो हिउँ परेको र विद्यार्थी जानसक्ने अवस्था नभएपछि वार्षिक परीक्षा स्थगनको निर्णय गरिएको हो", केशरीले भने। </p>
<p>आज बिहानैदेखिको हावाहुरी र पानीका कारण २२ मंसीरदेखि कैलालीमा जारी सुदूरपश्‍चिम महोत्सव आज एक दिनका लागि स्थगित गरिएको छ। </p>
<p>ट्राफिक प्रहरी कार्यालय सुदूरपश्चिम प्रदेश अत्तरियाका प्रमुख प्रहरी उपरीक्षक लोकेन्द्र श्रेष्ठले हिमपातका कारण सडक अवरुद्ध भएपछि यातायात सेवा प्रभावित भएको बताए। </p>
<p>बैतडी, डडेल्धुरा लगायतका जिल्लाबाट छुट्ने र भित्रिने सवारी साधन बिच बाटोमै अलपत्र परेको बताउँदै यसबाट सयौं यात्रुहरुको चिसोका कारण बिचल्ली भएको बताए।</p>
<p>कैलाली र कञ्चनपुरमा गएरातिदेखि परिरहेको पानीका कारण जनजीवन प्रभावित भएको छ। </p>
<p>वर्षात् र चिसोले कमैयाबस्ती, केटाकेटी र बृद्धबृद्धाहरू चिसोका कारण समस्यामा परेका छन्। </p>
<p style="text-align:center"><img alt="" height="1224" src="https://www.dekhapadhi.com/storage/photos/shares/Social/79506588_2659686974127373_2471871966542299136_n.jpg" width="1632" /></p>
<p>आज बिहानैदेखि परेको पानीका कारण सुदूरपश्चिम प्रदेशमा ७० ईटा उद्योगहरूमा क्षति भएको छ।</p>
<p>सुदूरपश्चिम ईटा व्यवसायी संघका अध्यक्ष विनोद शाहले करीब १२ करोड रूपैयाँ बराबरको तयारी अवस्थाको काँचो ईटा पानीका कारण कामै नलाग्ने भएको बताए।</p>
<p>सुदूरपश्चिममा रहेका ७० ईटा उद्योगहरूमा क्षति पुगेको हो। अध्यक्ष शाहले अब नयाँ ईटा उत्पादन हुन करीब दुई महीना समय लाग्ने बताउँदै ईटाको भाउ समेत बढ्न सक्ने बताए।</p>
<p>काँचो ईटा उत्पादन गरेर पकाउने तयारीमा रहेको बेला परेको पानीले धेरै नोक्सान भएको ईटा व्यवसायीहरूले बताएका छन्।</p>
<p>२५ मंसीरमा नेपाल प्रवेश गरेको पश्चिमी वायुका कारण गएरातिदेखि नै देशका अधिकांश ठाउँमा वर्षा भइरहेको छ। </p>
<p>काठमाडौंसहित, नेपालगञ्ज, धनगढी, वीरेन्द्रनगर, दीपायलमा वर्षा भएको छ। </p>
<p>२४ घण्टामा धनगढीमा सबैभन्दा बढी ४५ मिलिमिटर वर्षा भएको छ। त्यस्तै नेपालगञ्जमा १४, डडेल्धुरामा सात, दीपायलमा ६ र वीरेन्द्रनगरमा चार मिलिमिटर वर्षा मापन गरिएको छ।</p>
<p style="text-align:center"><img alt="" height="486" src="https://www.dekhapadhi.com/storage/photos/shares/Social/78816668_996074107414258_5221664613904416768_n.jpg" width="715" /></p>
<p>आज काठमाडौं उपत्यकाको न्यूनतम तापक्रम ८ दशमलव शून्य डिग्री र अधिकतम तापक्रम १६ दशमलव २ डिग्री सेल्सियस रहेको छ।</p>
<p>एक्कासी बिग्रिएको मौसम २८ मंसीरबाट क्रमश सुधार हुँदै जाने मौसम पूर्वानुमान महाशाखाले जनाएको छ। </p>
<p>महाशाखाका अनुसार आज राति देशभर सामान्य बदली रही पश्चिमी भेगका केही स्थानहरूमा मेघ गर्जनसहित हल्का वर्षा साथै पश्चिमी उच्च पहाडीसहित हिमाली भू-भागमा भारी हिमपातको सम्भावना छ। </p>
<p>पश्चिमी उच्च पहाडी र हिमाली भू-भागका वासिन्दाले भारी हिमपातको सम्भावना रहेकाले विशेष सतर्कता अपनाउन आग्रह गरिएको छ। </p>
<p style="text-align:center"><img alt="" height="490" src="https://www.dekhapadhi.com/storage/photos/shares/Social/79373066_597070037726478_685901385203449856_n.jpg" width="717" /></p>
<p><br />
</p>
प्रतिक्रिया दिनुहोस्
.jpg)
