नाइजरमा भएको आतंककारी हमलामा ७१ सैनिकको मृत्यु
<p>नाइजर। नाइजरको पश्चिम भागमा रहेको अर्थात् मालीको सिमानानजिकै अवस्थित एक सैन्य शिविरमा भएको आतंककारी हमलामा कम्तीमा ७१ सैनिक मारिएका छन्। अन्य १२ सैनिक घाइते भएकाे स्थानीय स्रोतले जानकारी दिएको छ ।</p>
<p>नाइजरको पश्चिमी इलाकामा रहेको एक गाउँमा अवस्थित सैन्य शिविरमा सो आक्रमण भएको हो। यसैबीच, इस्लामिक स्टेट्स (आईएस) लडाकू समूहले यस आक्रमणको जिम्मेवारी लिएको छ।</p>
<p>इजिप्टको भ्रमणमा रहेका नाइजरका राष्ट्रपति मोहमद इसोफो यस घटनापछि स्वदेश फर्किएका छन्।</p>
<p>फ्रान्सका राष्ट्रपति एम्यानुएल म्याक्रों र पाँच पश्चिमी अफ्रिकी नेताहरूबीच उक्त क्षेत्रमा सुरक्षा अवस्थाको विषयमा हुन लागेको सम्मेलनको केही दिनअघि उक्त आक्रमण भएको बताइएको छ। <em>रासस/एएनआई</em></p>
<p> </p>
प्रतिक्रिया दिनुहोस्
.jpg)
