हत्या आरोपमा सिराहामा थप एकजना पक्राउ
<p>सिरहा। हत्या आरोपमा सिरहामा एकजना पक्राउ परेका छन्। पक्राउ पर्नेमा सिरहा नगरपालिका–१२, सारस्वर गम्हरीयाका २४ वर्षीय नन्दु भन्ने रामनन्दन महरा रहेको सिरहा प्रहरीले जनाएको छ।</p>
<p>भारतको मधुवनी जिल्ला ललबनिया थाना बेल्हा पंचायत करमेघ गाउँका ४८ वर्षीय राजकुमार यादवको गत २० कात्तिक साँझमा हत्या भएको थियो। सिरहाको कमला नदीको पूर्वी तटमा धारिलो हतियार प्रहार गरी राजकुमारको हत्या गरिएको घटनामा संलग्न रहेको आरोपमा महरालाई पक्राउ गरिएको प्रहरी निरीक्षक उमाशंकर यादवले बताए।</p>
<p>सो घटनामा यसअघि सिरहाको धनगढीमाई नगरपालिका–१०, धनगढी टोलका ३८ वर्षीय फलगेन साह, वडा ११ का १९ वर्षीय रामुकमार साह, मिर्चैया नगरपालिका–४ का २० वर्षिय जितेन साह, धनुषाको कमला नगरपालिका–६, सखुवामडानका २५ वर्षीय अजयकुमार महतो र २१ वर्षीय राजलाल महतोलाई पक्राउ गरी अनुसन्धान गरिरहेकोे प्रहरी निरीक्षक यादवले बताए।</p>
प्रतिक्रिया दिनुहोस्
.jpg)
