Others

गृहपृष्ठ

एक वर्षमा कोरोनाका कारण रोजगार गुमाएर स्वदेश फर्कनेको संख्या तीन लाख नाघ्यो, सबैभन्दा धेरै यूएई, कतार र मलेसियाबाट काठमाडौं। विश्वमा कोरोना महामारी सुरू भएयताको एक वर्षको अवधिमा विभिन्&zwj;न देशमा अलपत्र परेका तीन लाखभन्दा बढी नेपालीलाई सरकारले उद्धार गरी स्वदेश फर्काएको छ।   कोरोना महामारी सुरू भएपछि सरकारले पहिलोपटक २०७६ फागुन पहिलो साता चीनको उहानबाट एक सय ७५ जना विद्यार्थीलाई उद्धार गरी स्वदेश ल्याएको थियो। त्यसयताको एक वर्षमा सरकारले विश्वका विभिन्&zwj;न देशबाट उद्धार गरी स्वदेश फर्काएको नेपालीको संख्या तीन लाख नाघेको छ।   कोभिड-१९ क्राइसिस म्यानेजमेन्ट सेन्टर (सीसीएमसी)का अनुसार २०७६ फागुन पहिलो सातायता २०७७ फागुन १४ गतेसम्मको अवधिमा कोभिड-१९ का कारण असहज परिस्थितिमा विदेशमा अलपत्र परेका तीन लाख छ सय ५७ जनालाई उद्धार गरी नेपाल फर्काइएको छ। पछिल्लो एक वर्षको अवधिमा अलपत्र परी स्वदेश फर्कनेहरू अधिकांश नेपालीका लागि वैदेशिक रोजगारको आकर्षक गन्तव्य मानिएका देशहरूबाट रहेका छन्। उनीहरूलाई कूल दुई हजार एक सय ६७ उडानमार्फत् उद्धार गरी स्वदेश फर्काइएको सीसीएमसीले जनाएको छ। <blockquote> हालसम्म यूएईबाट सबैभन्दा बढीले रोजगार गुमाएर नेपाल फर्केका छन्। यूएईबाट पछिल्लो एक वर्षको अवधिमा कोरोनाका कारण रोजगारी गुमाएर फर्कनेको संख्या ९२ हजार छ सय ६४ पुगेको छ। </blockquote> सीसीएमसीका अनुसार सबैभन्दा ठूलो संख्यामा युनाइटेड अरब इमिरेट्स (यूएई), कतार, मलेसिया, साउदी अरब, कुवेत, जापान, टर्की र भारतबाट उद्धार गरी स्वदेश फकाइएको छ।   हालसम्म यूएईबाट सबैभन्दा बढीले रोजगार गुमाएर नेपाल फर्केका छन्। यूएईबाट पछिल्लो एक वर्षको अवधिमा कोरोनाका कारण रोजगारी गुमाएर फर्कनेको संख्या ९२ हजार छ सय ६४ पुगेको छ।   यस्तै, उद्धार गरी नेपाल ल्याइएकामा कतारबाट ७० हजार छ सय ७९, मलेसियाबाट ३४ हजार ७९, साउदी अरबबाट ३१ हजार छ सय ३६, कुवेतबाट १७ हजार तीन सय ५६, ओमानबाट तीन हजार दुई सय ७१, बहराइनबाट एक हजार तीन सय ३९, जापानबाट आठ हजार छ सय ८९, टर्कीबाट आठ हजार पाँच सय ९० र भारतबाट १५ हजार दुई सय ७३ जना रहेका छन्। सरकारले हालसम्म विश्वका ६० देशबाट अलपत्र परेका नेपालीलाई उद्धार गरी स्वदेश फर्काएको छ। सीसीएमसीको तथ्याङ्कअनुसार इजरायलबाट २५, साइप्रसबाट एक सय ६६, अस्ट्रेलियाबाट एक हजार दुई सय ४४, फिलिपिन्सबाट दुई सय एक, म्यानबारबाट २६, कम्बोडियाबाट ३३, सिंगापुरबाट तीन हजार तीन सय ९३, थाइल्याण्डबाट चार सय ८९, बंगलादेशबाट एक हजार तीन सय ४३, अफगानिस्तानबाट एक सय २३, श्रीलंकाबाट ४४, माल्दिभ्सबाट एक हजार १८, पाकिस्तानबाट एक सय ११, चीनबाट एक हजार आठ १६ र हङकङ/मकाउबाट एक हजार नौ सय ८५ जनालाई उद्धार गरी नेपाल ल्याइएको छ। त्यसैगरी दक्षिण कोरियाबाट दुई हजार सात सय ९४, अमेरिकाबाट छ सय १८, क्यानडाबाट ३८, डेनमार्कबाट २१, फिनल्याण्डबाट १९, नर्वेबाट २०, स्वीडेनबाट १३, अर्मेनियाबाट दुई, जर्मनीबाट ४७, पोल्याण्डबाट पाँच, चेक गणतन्त्रबाट दुई, स्वीट्जरल्याण्डबाट १५, इटालीबाट ३९, बेल्जियमबाट नौ, नेदरल्याण्ड्सबाट ३०, अस्ट्रियाबाट तीन, ग्रिसबाट ३९, स्पेनबाट १३, फ्रान्सबाट १९, पोर्चुगलबाट पाँच, बेलायबाट दुई सय ५८, युगाण्डाबाट छ जनालाई उद्धार गरी ल्याइएको छ।   यस्तै, सुडानबाट पाँच, दक्षिण सुडानबाट दुई सय ५८, जोर्डनबाट छ सय ५१, ट्युनिसियाबाट दुई, इथोपियाबाट पाँच, सोमालियबाट एक, इरानबाट दुई, सेन्ट्रल अफ्रिकन रिपब्लिकबाट ६८, इराकबाट ३९ र भुटानबाट १४ जनालाई सरकारले उद्धार गरी ल्याएको छ।