न्युजिल्यान्डविरुद्धको टेस्ट अस्ट्रेलियाको पकडमा
<p>काठमाडाैं। मिचेल स्टार्कले ४ विकेट लिएपछि न्युजिल्यान्डविरुद्ध पहिलो टेस्टको दोस्रो दिन अस्ट्रेलियाले खेल आफ्नो नियन्त्रणमा राखेको छ। </p>
<p>घरेलु टोली अस्ट्रेलियाले पर्थमा २८४–४ को स्थितिबाट दोस्रो दिन शुरू गरेको थियो। ४१६ रन जोड्दा अस्ट्रेलियाले सबै विकेट गुमायो। नेल वाग्नरको बलमा बोल्ड हुनुअघि अस्ट्रेलियाका मार्नुस लाबुसेनले १४३ रन बनाए। </p>
<p>मध्यक्रमका ब्याट्सम्यान ट्रभिस हेडले ५६ रन बनाए। कप्तान टिम पाइनले ३९ रन बनाउँदा मिचेल स्टार्कले ३० रन जोडे। पेट कुमिन्सले २० रन बनाए। अघिल्लो दिन ओपनर डेबिड वार्नर र स्टिभ स्मिथले समान ४३ रन बनाएका थिए।</p>
<p>पहिलो इनिङमा न्युजिल्यान्डका टिम साउथी र वाग्नरले समान ४ विकेट लिँदा कोलिन डी ग्रान्डहोमको नाममा १ विकेट रह्यो। </p>
<p>मिचेल स्टार्कले ३१ रन दिएर ४ विकेट लिएपछि पाहुना टोली न्युजिल्यान्डले दोस्रो दिन सकिँदा ५ विकेट गुमाएर १०९ रन बनाएको छ। न्युजिल्यान्डका कप्तान केन विलियम्सनले ३४ तथा रोस टेलरले अविजित ६६ रन बनाएपछि न्युजिल्यान्ड १ सयको स्कोर कटाउन सफल भएको हो।</p>
<p>स्टार्कबाहेक अस्ट्रेलियाका लागि अर्को विकेट जोश हाज्लेउडले लिए। </p>
<p style="text-align:center"><img alt="" height="683" src="https://www.dekhapadhi.com/storage/photos/shares/Sports/Aus Vs NZ 1st Test 1.jpg" width="1024" /></p>
<p><br />
</p>
प्रतिक्रिया दिनुहोस्
.jpg)
