कावासोतीमा सेना चढेको बस पल्टियो, ३० जना घाइते
<p>कावासोती। पूर्वपश्चिम राजमार्गअन्तर्गत कावासोती नगरपालिका–३ स्थित राजमार्गमा सुर्खेत पृतनादेखि काठमाडौैको छाउनीका लागि छुटेको नेपाली सेना सवार बस आज बिहान दुर्घटना हुँदा ३० सैनिक घाइते भएका छन्। </p>
<p>ना ६ ख ४०४ नम्बरको बस अनियन्त्रित भई राजमार्गदेखि १० मिटर तल खसेको हो। </p>
<p>घाइतेमध्ये केहीको अवस्था गम्भीर रहेको जिल्ला प्रहरी कार्यालय नवलपरासीपूर्व नवलपुरका प्रहरी निरीक्षक अर्जुन अधिकारीले बताए। </p>
<p>दुर्घटनामा परी घाइते भएका १८ जनाको कावासोतीस्थित नवलपुर अस्पताल र १२ जनाको मध्यविन्दु जिल्ला अस्पतालमा उपचार भइरहेको छ। </p>
<p>बसमा ४० जना नेपाली सेना सवार थिए। <em>रासस</em></p>
प्रतिक्रिया दिनुहोस्
.jpg)
