Others

गृहपृष्ठ

भारतबाट पाकिस्तान पुग्दा गरिब देशबाट धनी देश पुगेजस्तो लाग्थ्यो : इमरान खान काठमाडौं। पाकिस्तानका प्रधानमन्त्री इमरान खानले ३५ वर्षअघि भारतबाट पाकिस्तान पुग्दा एउटा गरिब देशबाट धनी देश पुगेजस्तो अनुभव गरेको स्मरण सुनाएका छन्। बिहीबार राति आफ्ना राजनीतिक प्रतिद्वन्दीहरुमाथि आक्रामक रुपमा प्रस्तुत हुने क्रममा इमरानले अत्यन्तै कटु सम्बन्ध रहेको छिमेकी भारतसँग आफ्नो देशको तुलना गरे। दक्षिण एसियाका दुई चीर प्रतिद्वन्दी देशका बीच पाकिस्तानका प्रधानमन्त्रीले गरेको तुलनाको विषयमा शुक्रबार बिहानैदेखि दुवै देशमा सामाजिक सञ्&zwj;जालमा व्यापक  चर्चा भइरहेको छ। "पाकिस्तान र भारतको बीचमा म तपाईंहरुलाई फरक बताउन चाहन्छु। जतिखेर म क्रिकेट खेलेर भारतबाट पाकिस्तान आउथेँ, त्यो बेला हामीलाई एउटा गरिब देशबाट धनी मुलुक आएको जस्तो लाग्थ्यो," एक टेलिभिजन च्यानलबाट राष्ट्रको नाममा सम्बोधन गर्ने क्रममा पछिल्लो चार दशकमा  कसरी  पाकिस्तानको अर्थिक अवस्था बिग्रिँदै गयो भन्ने विषयमा बयान गर्ने क्रममा इमरानले भने, "इमरान खान त्यो राजनेता हो, जोसँग राजनीतिमा आउनुभन्दा पहिला नै सबथोक थियो। म सायद त्यो मानिस हुँ, जोसँग राजनीतिमा आउनुभन्दा पहिला नै देशकै सबभन्दा बढी सुख सयल थियो। मसँग भएको पैसा मेरो जिन्दगीको लागि पर्याप्त थियो। यति हुँदा हुँदै म राजनीतिमा किन आएँ त? यो कुरा म पाकिस्तानका युवाहरुलाई बताउन चाहन्छु।" <blockquote> देश पछिल्लो चार दशकमा ओरालो लागेको तर्क पुष्टि गर्नका लागि इमरानले भारतसँग पाकिस्तानको तुलना गरे। उनले पाकिस्तानमा कमजोर र शक्तिशाली दुवैलाई समान न्याय मिलोस, दुवैलाई कानुनले एकै नजरले हेरोस भन्ने उद्देश्य बोकेर आफू राजनीतिमा आएको पनि उनले प्रस्ट पारे। </blockquote> "मेरा आमा-बुवा गुलाम हिन्दुस्तानमा जन्मिनुभएको थियो। तर म एउटा स्वतन्त्र देशमा जन्मिएको पहिलो पुस्ताको मानिस हुँ र हामीलाई आफ्नो देशप्रति गर्व थियो। आजभन्दा ५०-५५ वर्ष पहिला दुनियामा पाकिस्तानलाई उदाहरणको रुपमा प्रस्तुत गरिन्थ्यो। विश्वभर नै पाकिस्तानको बेग्लै खालको रवाफ थियो। हाम्रा राष्ट्रपति बाहिर जाँदा अमेरिकी राष्ट्रपति उनलाई भेट्न आउँथे। हामी प्रगति गरिरहेका थियौं। तर विस्तारै विस्तारै मैले आफ्नो देश ओरालो लाग्&zwj;न थालेको पाएँ," इमरानले थपे, "१९८५ पछि देशमा भ्रष्टाचार बढ्न थाल्यो। १९८५ बाटै राजनीतिभित्र पैसा हावी हुन थाल्यो। त्यसपछि मानिसहरु ठूला कारखाना खोल्न, व्यापार गर्नका लागि राजनीतिमा आउन थाले। प्रधानमन्त्री बनिरहेका थिए, सँगै कारखाना पनि खोलिरहेका थिए। उनीहरुको लक्ष्य नै पैसा बनिरहेको थियो। त्यही बेलादेखि हाम्रो देश ओरालो लाग्&zwj;न थाल्यो।" देश पछिल्लो चार दशकमा ओरालो लागेको तर्क पुष्टि गर्नका लागि इमरानले भारतसँग पाकिस्तानको तुलना गरे। उनले पाकिस्तानमा कमजोर र शक्तिशाली दुवैलाई समान न्याय मिलोस, दुवैलाई कानुनले एकै नजरले हेरोस भन्ने उद्देश्य बोकेर आफू राजनीतिमा आएको पनि उनले प्रस्ट पारे। झण्डै आधा घण्टाको सम्बोधनमा इमरान विपक्षी दलहरुको आलोचनामा आक्रामक रुपमा प्रस्तुत भए। विपक्षी दलहरुको नियतमाथि प्रश्&zwj;न उठाउँदै उनले आफू कुनै पनि हालतमा राजीनामा गर्ने सोचमा नरहेको बताए। सिनेटको सबैभन्दा महत्त्वपूर्ण इस्लामावादको सिट हारेपछि इमरानमाथि विपक्षीहरुले प्रधानमन्त्री पदबाट राजीनामा गर्न दबाब दिइरहेका छन्। आफ्नो पार्टीका सदस्यहरुलाई करोडौँ रुपैयाँको घुस प्रस्ताव गरिएको बताउँदै उनले केही मानिसहरुले आफूलाई बेचेको दाबी गरे। "केही रुपैयाँ चोरी गर्नेहरु पाकिस्तानका जेलमा कैदी जीवन बिताइरहेका छन्। तर प्रधानमन्त्रीको पदमा पुगिसकेको मानिस एक्लै अर्बौं रुपैयाँ चोरी गर्छ, अनि त्यसको मूल्य जनताले चुकाउनु परिरहेको छ," उनले थपे। पाकिस्तानका केही राजनीतिक विश्लेषकका अनुसार प्रधानमन्त्री इमरानले सम्बोधन दौरान जनताको सहानुभूति बटुल्ने भरमग्दुर प्रयास गरे। विपक्षीहरुबाट राजीनामाका लागि दबाब बढिरहेका बेला जनताको सहानुभूति बटुल्न उनले गरेको प्रयास कति काम लाग्ला? आगामी केही हप्ता पाकिस्तानमा विकास हुने राजनीतिक घटनाक्रमले यसको उत्तर दिने नै छ। (बीबीसीबाट)