धनुषाका संस्थागत विद्यालय भोलि बन्द हुने
<p>जनकपुर। धनुषाको क्षिरेश्वरनाथ नगरपालिका–५, महेन्द्रनगरमा गयराति भएको विस्फोटमा एक विद्यार्थीसहित तीनजनाको मृत्यु भएपछि संस्थागत विद्यालयहरू भोलि, २९ मंसीरमा बन्द हुने भएका छन्।</p>
<p>जनकपुरधामको सिद्धार्थ शिशु सदन कक्षा १० मा अध्ययनरत आनन्द साहको घटनास्थलमै मृत्यु भएको थियो। उनको बुबा राजेशको पनि घटनास्थलमै मृत्यु भएको हो।</p>
<p>संस्थागत विद्यालय संरक्षण समितिले बम विस्फोट घटनाले स्तब्ध बनाएको भन्दै विज्ञप्ति जारी गरेको छ। साथै २९ मंसीरमा जिल्लाभरका संस्थागत विद्यालय बन्द गर्ने निर्णय गरेको जनाएको समितिले जनाएको छ।</p>
<p>समिति संयोजक चन्द्रनारायण मण्डलद्वारा हस्ताक्षरित विज्ञप्तिमा घटनामा संलग्नलाई कानुनी दायरामा ल्याउन मागसहित जिल्लाका संस्थागत विद्यालय र क्याम्पस बन्द गरिने जनाइएको छ।</p>
<p>सो विस्फोटमा इलाका प्रहरी कार्यालय महेन्द्रनगरका इन्चार्ज प्रहरी निरीक्षक अमीरकुमार दाहालको पनि मृत्यु भएको थियो।</p>
<p><strong>पढ्नुहोस्ः</strong></p>
<p><a href="https://dekhapadhi.com/news/3733" target="_blank"><strong>धनुषा बम विस्फोटमा संलग्नताको आशंकामा तीनजना पक्राउ, शंकाको सुई चन्द समूहतिर </strong></a></p>
<p><strong><a href="https://dekhapadhi.com/news/3727" target="_blank">धनुषा बम विस्फोटमा घाइते इन्सपेक्टरको पनि मृत्यु</a></strong></p>
<p><a href="https://dekhapadhi.com/news/3726" target="_blank"><strong>धनुषामा बम विस्फोट, बाबुछोराको मृत्यु, इन्सपेक्टरसहित चारजना गम्भीर घाइते</strong></a></p>
प्रतिक्रिया दिनुहोस्
.jpg)
