.jpg)
.jpg)
कम्तीमा १२ जनाको मृत्यु,कालिञ्चोक भगवतीको दर्शन गरेर फर्कँदै गरेकाहरु दुर्घटनामा परे : प्रहरी
<p>काठमाडौं। सिन्धुपाल्चोकको ६ किलोमा भएको दुर्घटनामा कम्तीमा १२ जनाको मृत्यु भएको प्रहरीले पुष्टी गरेको छ।</p>
<p>सिन्धुपाल्चोकका प्रहरी उपरीक्षक प्रज्जवल महर्जनका अनुसार बा.४ख ४४६८ नम्बरको बस दोलखाको कालिन्चोकबाट फर्कँदैगर्दा दुर्घटनामा परेको हो। दुर्घटनामा १८ जना घाइते भएका छन्।</p>
<p>"भक्तपुरबाट हिँजो रिजर्भ गरेर कालिन्चोक भगवती मन्दिर दर्शनका लागि गएको बस आज फर्कँदै गर्दा दुर्घटनामा परेको भन्ने जानकारी आएको छ", देखापढीसँग टेलिफोनमा कुरा गर्दै प्रहरी उपरीक्षक महर्जनले भने, " त्यहाँ (दुर्घटनास्थलमा) १० जनाको शव फेला परेको जानकारी आएको छ।" जिल्ला प्रहरी कार्यालयको सञ्चार शाखाका अनुसार अहिलेसम्म १२ जनाको मृत्यु भएको जानकारी प्राप्त भएको छ।</p>
<p>प्रहरी उपरीक्षक महर्जनको टोली पनि घटनास्थलतर्फ हिंडेको छ।</p>
<p style="text-align:center"><img alt="" height="535" src="https://www.dekhapadhi.com/storage/photos/shares/sindhupalchok accident (1).jpg" width="714" /></p>
<p>बसमा कति यात्री थिए भन्ने अझै नखुले पनि रिजर्भ बस भएकाले बसमा सीट क्षमताभन्दा बढी यात्री नभएको हुनुपर्ने प्रहरीको अनुमान छ।</p>
<p>सिन्धुपाल्चोक प्रहरीका अनुसार सडकबाट ५० मिटर तल खसेको बस क्षतविक्षत अवस्थामा छ। बिहान करीब ८ बजे दुर्घटना भएको प्रहरीले जानकारी दिएको छ।<br />
</p>
प्रतिक्रिया दिनुहोस्
.jpg)
