Others

गृहपृष्ठ

पोखरा प्रिमियर लिग: पोखरा पल्टनकाे विजयी शुरूआत, काठमाडौं गोल्डेन्स वरियर्स ९ विकेटले पराजित काठमाडौं। ओपनर कुशल भुर्तेलको अर्धशतकप्रेरित पोखरा पल्टनले आज काठमाडौं गोल्डेन्स वरियर्सलाई ९ विकेटले पराजित गर्दै पोखरा प्रिमियर लिगमा विजयी शुरुआत गरेको छ। कुशलले अविजित ६५ रन बनाएपछि १ सय १६ रनको लक्ष्य साविक विजेता पोखरा पल्टनले १४.१ ओभरमा १ विकेट गुमाएर पूरा गर्&zwj;यो । सुबोथ भाटीले ४५ रन बनाएपछि पोखरा रंगशालास्थित क्रिकेट मैदानमा टस हारेर ब्याटिङका लागि निम्त्याइएको काठमाडौं गोल्डेन्सले निर्धारित २० ओभरमा ८ विकेट गुमाएर १ सय १५ रन बनाएको थियो ।  पोखरा पल्टनले शुरुमै ओपनर आसिफ शेखलाई गुमाएको थियो। आसिफ १४ रनमा पवेलियन फर्किदा पोखराले ३१ रन मात्र जोडेको थियो। आसिफलाई सुशन भारीले एलबिडब्लू आउट गरेका हुन्। तर, कुशल र रविइन्दर सिंहले दोस्रो विकेटका लागि अविजित ८४ रनको साझेदारी गरेपछि पोखराले १ सय १६ रनको लक्ष्य सहजै पूरा गर्&zwj;यो।  कुशलले अविजित ६५ रन बनाउनेक्रममा ४३ बलमा ४ चौका र ५ छक्का प्रहार गरे। रविइन्दर ३८ रनमा अविजित रहे। उनले ३२ बलमा ५ चौका र १ छक्का हाने।   त्यसअघि काठमाडौंका भाटीले ४५ रन जोड्नेक्रममा २९ बलमा ४ चौका र ४ छक्का प्रहार गरे। काठमाडौंले ब्याटिङमा राम्रो शुरुआत गर्न सकेन। एक समय काठमाडौं गोल्डेन्स ४५–५ को स्थितिमा थियो। भाटीले छैटौं विकेटका लागि पृथु बास्कोटासँग १५ तथा बसन्त रेग्मीसँग सातौं विकेटका लागि ३८ रनको साझेदारी गरेपछि काठमाडौं गोल्डेन्स सम्मानजनक स्कोरतर्फ लम्किएको थियो।  १६.३ ओभरमा भाटी आउट हुँदा काठमाडौं गोल्डेन्स ९८–७ को स्थितिमा थियो। भाटीपछि गौरव तोमारले १३ रन बनाउनुबाहेक अन्यले उल्लेख्य प्रदर्शन गर्न सकेनन्।  काठमाडौं गोल्डेन्सले पीपीएलको पहिलो सिजन काठमाडौं रोयल्सको नामबाट खेलेको थियो। क्लबको स्वामित्व परिवर्तन भएसँगै यस संस्करणमा काठामाडौं गोल्डेन्स वारियर्स भएको हो।  साविक विजेता पोखरा पल्टनका कुशल मल्ल, ललितनारायण राजबंशी र रशिद खानले समान २ विकेट लिँदा प्रथमेश डाके र सरबजीत लद्धाको नाममा १/१ विकेट रह्यो।