टुँडिखेलमा यसरी मनाइयो ‘महाशिवरात्री तथा सेना दिवस’ (फोटोफिचरसहित)
<p>काठमाडौं। राष्ट्रपति एवं नेपाली सेनाका परमाधिपति विद्यादेवी भण्डारीको प्रमुख आतिथ्यतामा टुँडिखेलस्थित सैनिक मञ्‍चमा विशेष कार्यक्रमको आयोजना गरी ‘महाशिवरात्री तथा सेना दिवस-२०७७’ मनाइएको छ।<br />
<br />
सेना दिवसको अवसरमा राष्ट्रपति भण्डारीले सैनिक मञ्‍चमा रहेको वीर स्मारकमा माल्यार्पण गर्नुका साथै वीर सहिदहरूप्रति श्रद्धाञ्जलि अर्पण गरेकी थिइन्। नेपाली सेनाले राष्ट्रपतिको सम्मानमा सम्मान गारत अर्पण गरेको थियो।<br />
<br />
सेना दिवसको अवसरमा आयोजित उक्त कार्यक्रममा नेपाली सेनाको हेलिकप्टरले ‘महाशिवरात्री तथा सेना दिवस-२०७७’ अंकित व्यानर प्रदर्शन तथा पुष्पवृष्टि गरेको थियो। त्यसपछि षट्कोण फर्मेसन तथा नेपालको राष्ट्रिय झण्डाको आकृतिसमेत निर्माण गरी राइफल र तोपबाट महाशिवरात्रीको बढाइँ गरिएको थियो।<br />
<br />
हेलिकप्टरमार्फत उद्धारसम्बन्धी विशेष कलाको प्रदर्शन, मार्च पास, खुकुरी नृत्य, आइकिडो, कराँते खेल, विकास निर्माण, नेपाली सैनिक व्याण्ड, विपद् व्यवस्थापन तथा प्रकृति संरक्षणसम्बन्धी विभिन्‍न हात/हतियार, भेहिकल तथा उपकरणहरूको प्रदर्शन, विशेष फौज बाहिनीबाट फ्रि-फल जम्पलगायत विभिन्‍न प्रदेशका संस्कृति झल्कने नाच एवं गतिविधिसमेत प्रदर्शन गरिएको थियो। </p>
<p><img src="/uploads/editor/2021-03-11/125207664Sena-Diwas3.jpg" /></p>
<p>समारोहमा राष्ट्रपतिले ‘नेपाल एकीकरणको इतिहास (१८०१-१८७२)’, ‘नेपालको ऐतिहासिक गढी, किल्ला तथा युद्धस्थलको परिचय’ र ‘सिपाही वार्षिक-२०७७’ को विमोचन गरेकी थिइन्। उनले फ्रि-फल जम्पमा प्रथम र द्वितीय हुने सैनिकहरूलाई पुरस्कारसमेत प्रदान गरेकी थिइन्।</p>
<p>‘महाशिवरात्री तथा सेना दिवस-२०७७’ को अवसरमा १७ जना बहालवाला तथा अवकाश प्राप्त रथी, दुई सय ११ जना अधिकृत, एक सय ९५ जना पदिक र सात सय ७८ अन्य दर्जा, ५६ जना ड्रिल प्रतियोगितामा प्रथम भएका पृतनाका सकल दर्जा, आठ जना सैनिक श्रीमती संघका पदाधिकारी र ८२ जना गैरसैनिक गरी कूल एक हजार तीन सय ४७ जनालाई प्रधानसेनापति प्रशंसा निशान तथा प्रधानसेनापति प्रशंसापत्र प्रदान गरिएको थियो।</p>
<p><img src="/uploads/editor/2021-03-11/125422712Sena-Diwas5.jpg" /></p>
<p><img src="/uploads/editor/2021-03-11/125435311Sena-Diwas6.jpg" /></p>
<p><img src="/uploads/editor/2021-03-11/125223126Sena-Diwas4.jpg" /></p>
<p><img src="/uploads/editor/2021-03-11/125240239Sena-Diwas.jpg" /></p>
प्रतिक्रिया दिनुहोस्
.jpg)
