बैठक बहिष्कार गरेर कांग्रेस नेता पौडेलद्वारा पाथीभरा दर्शन
<p>ताप्लेजुङ। कांग्रेसका वरिष्ठ नेता रामचन्द्र पौडेलले आज परिवारसहित प्रसिद्ध तीर्थस्थल पाथीभरा मन्दिरको दर्शन गरेका छन्। पार्टीभित्रको आन्तरिक विवाद बढिरहेका बेला कांग्रेस केन्द्रीय कार्यसमितिको बैठक बोलाइएकै दिन नेता पौडेल पाथीभराको दर्शनका लागि परिवारसहित पुगेका हुन्।</p>
<p>छोरा, बुहारी र नातीसहित पाथिभरा पुगेका पौडेलले आज बिहान पाथीभराको दर्शनपछि सुकेटार विमानस्थलमा पार्टीका स्थानीय नेता कार्यकर्तासँग संक्षिप्त भेटघाटसमेत गरेका थिए।</p>
<p>भेटघाटका क्रममा उनले पार्टीभित्र रहेका आन्तरिक विवाद र असमझदारीका विषय प्याकेजमै टुंगो लगाएर अघि बढ्ने बताए। समयमा नै महाधिवेशन सम्पन्न गर्नका लागि कार्यतालिका बनाएरै अघि बढ्नेमा पाैडेलेको जोड थियो।</p>
<p>केन्द्रीय कार्यसमिति बैठकमा पार्टी महाधिवेशनलगायतका मुख्य विषयमा छलफल केन्द्रित नभएको भन्दै पार्टी सभापति शेरबहादुर देउवा र पौडेल पक्षबीच विवाद हुँदै आएको छ। पौडेल पक्षले यसअघिको बैठक बहिष्कार गरेपछि कांग्रेसले आजका लागि बैठक बस्ने निर्णय गरेको थियो।</p>
<p>हेलिकप्टरमार्फत् पाथीभराको दर्शनका पुगेका नेता पौडेल दर्शनपछि विराटनगर फर्किएकाे बताइएको छ। <em>रासस</em></p>
प्रतिक्रिया दिनुहोस्
.jpg)
