Others

गृहपृष्ठ

सबैका लागि मुक्त र खुल्ला हिन्द-प्रशान्त क्षेत्र आवश्यक : बाइडेन काठमाडौं। अमेरिकी राष्ट्रपति जो बाइडेनले क्&zwj;वाड देशका नेताहरुसामु शुक्रबार ‘मुक्त र खुल्ला’ हिन्द-प्रशान्त क्षेत्र सबैका निम्ति आवश्यक रहेको बताएका छन्। अमेरिका यस क्षेत्रमा स्थिरता हासिल गर्न आफ्ना सहयोगी तथा साझेदारसँग मिलेर अघि बढ्न तयार रहेको पनि उनको धारणा थियो। क्&zwj;वाड नेताहरु सम्मिलित डिजिटल सम्मेलनलाई सम्बोधन गर्दै उनले भने, ‘‘हिन्द-प्रशान्त क्षेत्रमा सहयोगका लागि क्&zwj;वाड महत्त्वपूर्ण मञ्&zwj;च बन्दै गएको छ। सहयोग वृद्धिका लागि क्&zwj;वाड एउटा नयाँ तन्त्र बन्दै अघि बढेको छ।’’ सम्मेलनमा भारतीय प्रधानमन्त्री नरेन्द्र मोदीले पनि सम्बोधन गरेका थिए। क्&zwj;वाडमा भारतका साथै अमेरिका, जापान, अस्ट्रेलिया छन्। ‘‘क्&zwj;वाड हिन्द-प्रशान्त क्षेत्रमा महत्त्वपूर्ण हुँदै गएको छ र म आगामी वर्षहरुमा तपाईंहरु सबैसँग मिलेर काम गर्न उत्सुक छु,’’ अमेरिकी राष्ट्रपति बाइडेनले भने, ‘‘हाम्रो देशका लागि खुल्ला र स्वतन्त्र हिन्द-प्रशान्त क्षेत्र आवश्यक छ।’’ यो समूह व्यावहारिक समाधान र ठोस परिणामा समर्पित रहेका कारण पनि विशेष रुपमा महत्त्वपूर्ण रहेको उनको भनाइ थियो। <blockquote> ‘‘इतिहासले हामीलाई सिकाएको छ, हामी एकैखाले उद्देश्य र साझा मूल्यको साझेदारीमा एकजुट देशहरु छौं। यसबाट धेरै कुरा हासिल हुन सक्छ।’’ </blockquote> बाइडेनको इशारा चीनतिर सोझिएको बुझ्न सकिन्थ्यो। उनले थपे, ‘‘हामी आफ्नो प्रतिबद्धता जान्दछौं। हाम्रो क्षेत्र अन्तर्राष्ट्रिय कानुनद्वारा सञ्&zwj;चालित छ। हामी सबै सार्वभौमिक मूल्यका लागि प्रतिबद्ध छौं र कुनै पनि खालको दबाबबाट मुक्त छौं। तर, हाम्रा सम्भावनालाई लिएर म आशावादी छु।’’ बाइडेनले भारतीय प्रधानमन्त्री मोदीसँग भने, ‘‘म तपाईंलाई देखेर खुसी छु।’’ गत वर्षको उत्तराद्र्धमा सम्पन्न अमेरिकी राष्ट्रपति निर्वाचनमा भारतीय सत्ताको इशारा डोनाल्ड ट्रम्पतिर सोझिएको थियो। अहिले चीनको सन्दर्भलाई लिएर भारत र अमेरिका कतिपय सवालमा एकमत रहेको देख्न सकिन्छ। डिजिटल रुपमा आयोजित सम्मेलन अस्ट्रेलियाका प्रधानमन्त्री स्कट मोरिसन तथा जापानी प्रधानमन्त्री योसिहिदे सुगा पनि सामेल थिए। क्&zwj;वाडका अन्य नेताले पनि हिन्द-प्रशान्त क्षेत्रमा सहयोग गर्नका लागि उत्साही देखिएका छन्। अस्ट्रेलियाका प्रधानमन्त्री मोरिसनले चार देशलाई एक ठाउँमा ल्याएकोमा बाइडेनलाई धन्यवाद दिएका थिए। उनले भने, ‘‘इतिहासले हामीलाई सिकाएको छ, हामी एकैखाले उद्देश्य र साझा मूल्यको साझेदारीमा एकजुट देशहरु छौं। यसबाट धेरै कुरा हासिल हुन सक्छ।’’ जापानी प्रधानमन्त्री सुगाले २००४ को सुनामी विपद्लाई स्मरण गरे। उनले भने, ‘‘त्यतिखेरै क्&zwj;वाड सदस्य देशहरु एकै ठाउँमा आएका थिए। हामीले विपद्सँग जुध्नका लागि अमेरिका, अस्ट्रेलिया र भारतबाट ठूलो परिमाणमा सहयोग पाएका थियौं।’’ उता, चीन भने दक्षिणी चीन सागर तथा पूर्वी चीन सागरको क्षेत्रीय विवादमा तानिएको छ। पूर्वी चीन सागरमा उसको जापानसँग विवाद रहिआएको छ। (एजेन्सी)