सिरहा बम विस्फोट : घाइते भण्डारीको अवस्था गम्भीर, हेलिकोप्टर मगाइयो
<p>काठमाडौं। सिरहाको लहानमा रहेको मालपोत कार्यालयमा प्रेसर कुकर बम विस्फोट हुँदा गम्भीर घाइते भएकाको नाम खुलेको छ।</p>
<p>३१ वर्षीय दिनेशकुमार भण्डारी रहेको इलाका प्रहरी कार्यालय लहानका प्रहरी नायव उपरीक्षक (डीएसपी) तपन दाहालले बताए।</p>
<p>उनको अहिले लहानमै रहेको सप्तऋषि अस्पतालमा उपचार भइरहेको छ। अवस्था गम्भीर रहेकाले हेलिकोप्टर मगाइएको डीएसपी दाहालले बताए।</p>
<p>“दिनेशको अवस्था गम्भीर छ, हामीले थप उपचारका लागि काठमाडौं लाने भनेर हेलिकोप्टर माग गरेका छौं”, डीएसपी दाहालले देखापढीलाई बताए।</p>
<p>बम बिस्फोटमा परी अन्य पाँच जना घाइते भएका छन्। उनीहरूको लहानमै रहेको राउ अस्पतालमा उपचार भइरहेको छ।</p>
<p>घटनापछि अहिले जिल्ला प्रहरी प्रमुख तथा प्रहरी उपरीक्षक (एसपी) सुदीपराज भण्डारी घटनास्थलतर्फ जाँदै छन्।<br />
बम विस्फोट कसले र किन ग¥यो भन्ने खुल्न बाँकी रहेको उनले बताए। बम विस्फोट १२ : ४० तिर भएको हो।</p>
प्रतिक्रिया दिनुहोस्
.jpg)
