राजपाले तदर्थ समितिको म्याद थप्यो
<p>काठमाडाैं। राष्ट्रिय जनता पार्टी (राजपा) नेपालले पार्टीको एकता महाधिवेशन नहुन्जेलका लागि बनाइएका विभिन्न तदर्थ समितिको समयावधि थप गरेको छ।</p>
<p>राजपाको अध्यक्ष मण्डलको आज पार्टी कार्यालय बबरमहलमा बसेको बैठकले वडा तदर्थ समिति, पालिका तदर्थ समिति, क्षेत्रीय तदर्थ समिति र जिल्ला तदर्थ समिति गठन गर्न आगामी १५ पुससम्मका लागि म्याद थप गर्ने निर्णय गरेको छ।</p>
<p>राजपाले यसअघि यही १५ मंसीरसम्मको म्याद दिएकामा सबै जिल्लामा अझै कार्य सम्पन्न नभएकाले उक्त कार्यको लागि समयावधि थपेको जनाएकाे छ।</p>
<p>साथै यही ३० मंसीरमा बोलाइएको केन्द्रीय पर्यवेक्षकको बैठक हाललाई स्थगित गर्ने निर्णयसमेत गरिएको राजपाले विज्ञप्तिमार्फत् जनाएको छ।</p>
<p>राजपाले तदर्थ समितिलाई जिल्ला अधिवेशनकै रूपमा लिएको छ। पार्टीको एकता महाधिवेशनको मिति भने अझै निश्चित भएको छैन। राजपाले छिट्टै महाधिवेशनको मिति घोषणा गर्ने जनाएको छ। <em>रासस</em></p>
प्रतिक्रिया दिनुहोस्
.jpg)
