Others

गृहपृष्ठ

सवारी दुर्घटनामा दुई जनाको मृत्यु काठमाडौं। दाङ र काभ्रेका विभिन्न स्थानमा भएका छुट्टाछुट्टै सवारी दुर्घटनामा परी दुई जनाको मृत्यु भएको छ।  दाङ, घोराही उपमहानगरपालिका–३ बरगदुवास्थित सडकमा रा ३ प ९२०८ नम्बरको मोटरसाइकलको ठक्करबाट घोराही उपमहानगरपालिका–३ बरगदुवा बस्ने ३९ वर्षीया जानकी चौधरीको २९ मंसीर साँझ मृत्यु भएको छ।  नम्बर नखुलेको बसबाट झरेर बाटो काट्न लागेको अवस्थामा मोटरसाइकलले ठक्कर दिंदा गम्भीर घाइते उनलाई शुरूमा उपचारका लागि राप्ती स्वास्थ्य विज्ञान प्रतिष्ठान घोराही पुर्&zwj;याइएको थियो।  त्यहाँ उपचार सम्भव नभएपछि मेडिकल कलेज कोहलपुर पुर्&zwj;याइएकी चौधरीको उपचारको क्रममा उनको मृत्यु भएको प्रहरीले जनाएको छ।  त्यस्तै काभ्रे, नमोबुद्ध नगरपालिका–६ टारस्थित सडकमा बा ४ ख २६८६ नम्बरको टिपरको ठक्करबाट गम्भीर घाइते भएका एक युवकको पनि उपचारका क्रममा मृत्यु भएको छ। सल्यान कल्लेरी नगरपालिका–७ कुरल घर भई हाल नमोबुद्ध नगरपालिका–६ टारमा मजदुरी गरी बस्ने ३० वर्षीय काशीराम खत्रीको धुलिखेल अस्पतालमा उपचारको क्रममा २९ मंसीर साँझ मृत्यु भएको हो। फरार टिपर चालकको प्रहरीले खोजी गरिरहेको छ। दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ।