सिरहा मालपोतका अधिकृतविरुद्ध पाँच लाख बिगोसहित मुद्दा दायर
<p>काठमाडौं। अख्तियार दुरूपयोग अनुसन्धान आयोगले भूमि सुधार तथा मालपोत कार्यालय सिरहाका मालपोत अधिकृत रामबाबु मण्डल उपर पाँच लाख बिगोसहित आरोपपत्र दायर गरिएको छ।</p>
<p>मण्डलले उच्च अदालत जनकपुर, राजविराज इजलासको पुनरावेदनमा विचाराधिन रहेको मुद्दाको सिलसिलामा सेवाग्राहीको नाममा कायम हुन आएको खुल्ने निर्णयसहितको माग भएको कागजातहरू उपलब्ध गराउन आनाकानी गरेका थिए।</p>
<p>उनले कागजात उपलब्ध गराउनकै लागि सेवाग्राहीसँग घुस रकम माग गरेको सूचनाको आधारमा अख्तियार दुरूपयोग अनुसन्धान आयोगको कार्यालय बर्दिवासबाट खटिई गएको टोलीले पाँच लाख रूपैयाँ घुस लिइसकेको अवस्थामा नियन्त्रणमा लिएको थियो। </p>
<p>भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (घ) बमोजिम जरिवाना र कैद सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको आयोगका प्रवक्ता प्रदीपकुमार कोइरालाले जानकारी दिए।</p>
<p><br />
</p>
प्रतिक्रिया दिनुहोस्
.jpg)
