बढ्दाे सवारी दुर्घटनाः उच्चस्तरीय कमिटी गठन गर्न प्रधानमन्त्रीको निर्देशन
<p>काठमाडौं। प्रधानमन्त्री केपी शर्मा ओलीले सवारी दुर्घटनाको सत्यतथ्य पत्ता लगाउन चाँडै स्थायी प्रकृतिको उच्चस्तरीय कमिटी गठन गर्न निर्देशन दिएका छन्।</p>
<p>२९ मंसीरमा सिन्धुपाल्चोकमा १५ जनाको ज्यान जाने गरी भएको दुर्घटनापछि आज प्रधानमन्त्री ओलीले यातायात व्यवस्था विभागलगायत सम्बन्धित निकायका प्रतिनिधिहरूलाई बालुवाटार बोलाएर यस्तो निर्देशन दिएका हुन्।<br />
उनले सवारी दुर्घटना न्यूनीकरणका लागि गम्भीर ढंगले लाग्नसमेत निर्देशन दिए। प्रधानमन्त्री ओलीले सवारी दुर्घटना बढ्नुको कारण र सडकको अवस्थाबारे पनि जानकारी लिएका छन्।</p>
<p>यातायात व्यवस्था विभागका महानिर्देशक गोगनबहादुर हमालले <em>देखापढी</em>सँग भने, “प्रधानमन्त्रीज्यूले हामीलाई बोलाएर सडकको अवस्था र दुर्घटनाबारे चासो व्यक्त गर्नुभयो। उहाँले सवारी दुर्घटनामा कसैले ज्यान गुमाउन नपर्ने गरी उपाय अवलम्बन गर्नुस् भनेर निर्देशन दिनुभयो।”</p>
<p>प्रधानमन्त्रीको निर्देशनपछि हमालले अब रणनीतिकरूपमा अगाडि बढ्ने बताएका छन्।</p>
<p>मंसीर महीनामै बागलुङमा आठ, गुल्मीमा १५, सुनसरीमा पाँच र सिन्धुपाल्चोकमा १५ जनाको ज्यान जाने गरी दुर्घटना भएपछि प्रधानमन्त्री ओलीले चासो व्यक्त गरेका हुन्।</p>
प्रतिक्रिया दिनुहोस्
.jpg)
