सांसद विद्या भट्टराईले सपथ लिइन्
<p>काठमाडौं। कास्की क्षेत्र नम्बर २ बाट निर्वाचित प्रतिनिधिसभा सदस्य विद्या भट्टराईले पद तथा गोपनियताको शपथ लिएकी छन्। </p>
<p>संसद सचिवालयमा आयोजित समारोहकाबीच उपसभामुख शिवमाया तुम्बाहाङ्फेले भट्टराईलाई शपथ गराएकी हुन्।</p>
<p>भट्टराई १४ मंसीरको उपनिर्वाचनमा नेकपाको तर्फबाट प्रतिनिधिसभा सदस्य निर्वाचित भएकी थिइन्। </p>
<p style="text-align:center"><img alt="" height="640" src="https://www.dekhapadhi.com/storage/photos/shares/Politics/Bidhya-Bhattarai-shapath-1.jpg" width="960" /></p>
<p>उनी पूर्वपर्यटनमन्त्री स्वर्गीय रविन्द्र अधिकारीकी पत्नी हुन्। </p>
<p>तत्कालीन नेकपा एमालेको विद्यार्थी संगठन अनेरास्ववियुको केन्द्रीय सचिवको जिम्मेवारी सम्हालिसकेकी भट्टराई पछिल्लो समय प्राध्यापन पेशामा थिइन्। </p>
<p>संसद सचिवालयमा कार्यरत महिलालाई बलात्कारको प्रयास गरेको आरोप लागेपछि प्रतिनिधिसभाका तत्कालीन सभामुख कृष्णबहादुर महराले १४ असोजमा सभामुख पदबाट राजीनामा दिएपछि स‌ंसद सभामुखविहीन छ।</p>
<p>सभामुख नभएकाले उपसभामुख तुम्बाहाङ्फे भट्टराईलाई शपथ गराएकी हुन्। </p>
प्रतिक्रिया दिनुहोस्
.jpg)
