तीन किलो कोकिनसहित बोलिभियन नागरिक पक्राउ
<p>काठमाडौं। प्रहरीले त्रिभुवन अन्तर्राष्ट्रिय विमानस्थलबाट तीन किलो कोकिनसहित एक बोलिभियन नागरिकलाई पक्राउ गरेको छ।</p>
<p>अवैध लागुऔषधसहित राहदानी नम्बर सीइ२८०७२ भएका हेर्रा अर्तेगा ओल्गालाई पक्राउ गरेको हो। </p>
<p>दुबईको उडानबाट काठमाडौं पुगेकी ती बोलिभियन महिलालाई अन्तर्राष्ट्रिय विमानस्थलस्थित लागुऔषध नियन्त्रण ब्यूरोको शाखाबाट खटिएको प्रहरी टोलीले पक्राउ गरेको हो।</p>
<p>विमानस्थलको आगमन कक्षमा जाँच गर्ने क्रममा उक्त लागुऔषध प्रहरीले बरामद गरेको हो। प्रहरीले यस सम्बन्धमा थप अनुसन्धान भइरहेको जनाएको छ। <br />
</p>
प्रतिक्रिया दिनुहोस्
.jpg)
