Others

गृहपृष्ठ

साग पदक विजेता बास्केटबल खेलाडी सम्मानित काठमाडाैं। भंगालस्थित भ्याली पब्लिक स्कुलले १३औं दक्षिण एशियाली खेलकुद (साग) अन्तर्गत बास्केटबलमा पदक जित्न सफल आफ्ना पूर्व विद्यार्थी खेलाडीलाई नगदसहित सम्मान गरेको छ। महीला टीमका तीन खेलाडी सम्मानित भएका हुन् । फुलकोर्टमा सहभागी प्रतीक्षा मगर, थ्री बाइ थ्रीमा सहभागी सोनी वाइबा र मिना गुरुङ सम्मानित भएका हुन् । महिलाको फुलकोर्टमा नेपाल दोश्रो तथा थ्री बाइ थ्रीमा तेश्रो भएको थियो। उनीहरूलाई जनही ८ हजार १ सय ५५ रुपैयाँ प्रदान गरिएकाे हाे। भ्याली पब्लिक विद्यालय व्यवस्थापन समितिका अध्यक्ष लिलबहादुर गुरुङ, भ्याली पब्लिकका संस्थापक प्रिन्सिपल कृष्ण अधिकारी, को–फाउन्डर सुनिता अधिकारी, समाजसेवी तारा पोखरेललगायतले उनीहरूलाई नगद र प्रशंसा पत्र प्रदान गरेका हुन्। उक्त अवसरमा पावर लिफ्टिङका च्याम्पियन अनुप कार्कीलाई पनि सम्मान गरिएको थियो।